પેટ્રોલ-ડિઝલની વધતી કિંમતોને જોતા CNGથી ચાલનારી કાર્સ સૌથી વધારે પસંદ કરવામાં આવે છે.
સસ્તી હોવાની સાથે સાથે આ કાર્સ ઇકો ફ્રેન્ડલી પણ હોય છે. જો તમે CNG કાર લેવાનું વિચારી રહ્યા છો તો આજે અમે તમને કેટલાક ઑપ્શન જણાવીશું જેનાથી તમને કાર ખરીદવામાં મદદ થઇ શકે.
- મારૂતિ ઑલ્ટો દેશની સૌથી સસ્તી CNG કાર્સમાંથી એક છે. જેમાં 796ccનું એન્જિન છે, જેનું CNG વેરિયન્ટ 40bhpનો પાવર અને 60 nmનો ટૉર્ક જનરેટ કરે છે. ઑલ્ટો CNGની માઇલેજ 32.99 કિમી પ્રતિ કિલોગ્રામ છે. CNGવાળી ઑલ્ટોની શરૂઆતી કિંમત 4.11 લાખ રૂપિયા છે.
- મારૂતિ સિલેરિયો CNGમાં ઑલ્ટોમાં આપવામાં આવેલુ 998cc વાળું એન્જિન છે. સિલેરિયો CNGમાં પણ આ એન્જિન 58 bhpનો પાવર અને 78Nm ટોર્ક જનરેટ કરે છે. આ એન્જિનની સાથે તમને 5 સ્પીડ મેન્યુઅલ ગિયરબોક્સ મળશે. સિલેરિયો CNGની માઇલેજ 31.76 કિમી પ્રતિ કિલોગ્રામ છે. મારૂતિ સિલેરિયો CNGની શરૂઆતી કિંમત 5.35 લાખ રૂપિયા છે.
- હ્યુન્ડાઈ સેન્ટ્રો CNGમાં 1.1 – લીટરનું એન્જિન છે, જે 58 bhp અને 84 Nmનો ટૉર્ક જનરેટ કરે છે. આ એન્જિન 5-સ્પીડ મેન્યુઅલ ગિયરબોક્સથી સજ્જ છે. સેન્ટ્રો CNGની માઇલેજ 30.5 કિમી પ્રતિ કિલોગ્રામ છે. હ્યુન્ડાઈ સેન્ટ્રો CNGની શરૂઆતી કિંમત 5.38 લાખ રૂપિયા છે.
- ઓછી કિંમતવાળી CNG કાર્સમાં મારુતિની વેગનઆર પણ શામેલ છે. આ દેશમાં સૌથી વધુ વેચાનારી CNG કાર્સમાંથી એક છે. CNGવાળી વેગનઆરમાં 998ccનું એન્જિન છે, જે 58 bhp પાવર અને 78 Nm ટૉર્ક જનરેટ કરે છે. એન્જિન 5-સ્પીડ મેન્યુઅલ ગિયરબૉક્સથી સજ્જ છે. આ કારની માઈલેજ 33.54 કિમી પ્રતિ કિલોગ્રામ છે. આ કારની શરૂઆતી કિમંત 5 લાખ રૂપિયાથી થાય છે.
- ગ્રાન્ડ આઈ10 સીએનજીમાં 1.2 લીટરનું એન્જિન છે, જે 65 bhpનો પાવર અને 98Nmનો ટોર્ક જનરેટ કરે છે. આ એન્જિન 5 સ્પીડ મેન્યુઅલ ગિયરબોક્સથી સજ્જ છે. ગ્રાન્ડ i10 CNGની માઇલેજ 27.8 કિમી પ્રતિ કિલોગ્રામ છે, જેની શરૂઆતી કિંમત 6.39 લાખ રૂપિયા છે.