જો તમે નવી ગાડી ખરીદવાનું વિચારી રહ્યાં હોવ અને તમારુ બજેટ ત્રણ લાખ રૂપિયાથી પણ ઓછુ છે તો આ બે ગાડીઓ ખરીદી લો.
ઓછા બજેટમાં લેવી છે નવી કાર
3 લાખ કરતા ઓછામાં ખરીદો કાર
કાર ખરીદવાનું સપનુ થઇ જશે પુરુ
આ બંને કારની શરૂઆતી કિંમત 3 લાખ રૂપિયા કરતા પણ ઓછી છે. આ કારમાં ડેટસન રેડી ગો અને મારુતિ સુઝુકી અલ્ટો છે. આ બંને કાર તમારા બજેટમાં છે અને તમારુ કાર લેવાનુ સપનુ પણ પુરુ કરી શકે છે.
ડેટસન રેડી ગો
ભારતીય બજારોમાં આ કારની કિંમત દિલ્હી એક્સ શોરૂમમાં 2.86 લાખ રૂપિયા છે, જે તેના ટોપ વેરિએન્ટ પર 4.82 લાખ રૂપિયા સુધી જઇ શકે છે.
આ કારનું એન્જીન ભારતીય બજારમાં 0.8 લીટર અને 1 લીટર એન્જીનમાં ઉપલબ્ધ છે.
ડેટ્સનની આ ગાડીનું 0.8 લિટર એન્જીન 5678 આરપીએમ પર 54 પીએસની પાવર અને 4386 આરપીએમ પર 72 એનએમ ટોર્ક પેદા કરે છે. તો 1 લિટર એન્જીનમાં 5500 આરપીએમ પર 68 પીએસની પાવર અને 4250 આરપીએમ પર 91એનએમ ટોર્ક પેદા કરે છે.
ડેટસન રેડી ગોનું 0.8 લિટર એન્જીન 5 સ્પીડ મેન્યુઅલ ટ્રાંસમિશનથી લેસ છે. જ્યારે તેનું 1 લિટર એન્જીન 5 સ્પીટ ઓટોમેટિક ટ્રાંસમિશનથી લેસ છે.
મારુતિ સુઝુકી અલ્ટો
આ કારની દિલ્હી એક્સ શોરૂમની કિંમત 2.99 લાખ રૂપિયા છે.
મારુતિ સુઝુકી અલ્ટોમાં પાવર માટે 796 સીસી, 3 સિલિન્ડર, 12 વાલ્વસ બીએસ 6 કમ્પ્લાયન્ટ વાળુ એન્જીન આપવામાં આવ્યું છે.
આ કારનું એન્જીન 5 સ્પીડ મેન્યુઅલ ટ્રાંસમિશનથી લેસ છે.