ઓટો / પહેલી કાર ખરીદનારાઓ માટે બેસ્ટ છે આ 3 કાર, 3 લાખથી ઓછી કિંમતમાં શાનદાર લુક અને વધુ માઈલેજ

• 3 લાખની અંદરની કિંમતમાં કાર ખરીદો
• 3 કંપનીઓ આપી રહી છે 3 લાખથી સસ્તી કિંમતમાં કાર 

મારુતિ અલ્ટો 

મારુતિ સુઝુકી અલ્ટો ભારતની સૌથી લોકપ્રિય કારમાંથી એક છે.  કારના બેઝ વેરિઅન્ટની કિંમત 2.94 લાખ રૂપિયા છે. સાથે જ, Std (O)વેરિએન્ટની કિંમત 5000 રૂપિયા વધુ એટલે કે 2.99 લાખ રૂપિયા છે. છેલ્લા 16 વર્ષથી આ કાર ભારતીય બજારમાં શાનદાર પર્ફોમ કરી રહી છે. આ કારને પણ બીએસ6 એન્જિન સાથે લોન્ચ કરી દેવાઈ છે. આ કાર 22 કિમી પ્રતિ લીટર સુધી માઈલેજ આપે છે. 

રેનો ક્વિડ

રેનોની સૌથી સસ્તી કાર ક્વિડની ડિમાન્ડ ઝડપથી વધી રહી છે. સ્મોલ કાર માર્કેટમાં ઓલ્ટો બાદ ક્વિડનો નંબર આવે છે. ક્વિડના ચાર અલગ-અલગ વેરિએન્ટ ઉપલબ્ધ છે. રેનો ક્વિડનું માત્ર એક જ વેરિએન્ટ 3 લાખથી ઓછી કિંમતમાં આવે છે. કારના Std વેરિઅન્ટની કિંમત 2.94 લાખ રૂપિયા છે. તેનું 800 સીસી એન્જિન 54hp પાવર અને 72Nm ટોર્ક જનરેટ કરે છે. આ વેરિઅન્ટમાં ફક્ત એક ઇયરબેગ ઉપલબ્ધ છે. આ કાર 24 કિમી પ્રતિ લીટર સુધી માઈલેજ આપે છે. જે આ સેગ્મેન્ટમાં સૌથી વધારે છે. 

ડેટસન રેડી ગો

જાપાની વાહન નિર્માતા કંપની ડેટસને હાલમાં જ બજારમાં તેની હેચબેક કાર રેડી ગોને નવા બીએસ-6 એન્જિન સાથે અપડેટ કરીને લોન્ચ કરી છે. આ કારમાં નવા ફ્રન્ટ ગ્રિલ સાથે અન્ય બદલાવ પણ કરવામાં આવ્યા છે. આ ભારતની સૌથી સસ્તી કાર પણ છે. તેની એક્સ શોરૂમ કિંમત 2.83 લાખ છે. આ કાર 22 કિમી પ્રતિ લીટર સુધી માઈલેજ આપે છે.