દેશની સૌથી પ્રમુખ ટૂ વ્હિલર નિર્માતા કંપની બજાજ ઓટો માર્કેટમાં પલ્સર રેંજની સૌથી સસ્તી બાઈક Pulsar 125 Neonનું અપડેટ વર્ઝન BS6 એન્જીન સાથે લોન્ચ કરશે. પરંતુ આ બાઈક લોન્ચ થાય તે પહેલાં જ તેની કિંમતનાં ખુલાસાનો દાવો કરવામાં આવી રહ્યો છે.
નવી BS6 પલ્સર 125ની કિંમતમાં લગભગ 6500 રૂપિયાનો વધારો થઇ શકે
ગયા વર્ષે લોન્ચ થઇ હતી પલ્સર રેંજની સૌથી સસ્તી બાઈક
બાઈકમાં પરફોર્મન્સ અને માઈલેજ વધારવા માટે થઇ શકે છે ફેરફાર
મીડિયા અહેવાલો પ્રમાણે નવી BS6 પલ્સર 125ની કિંમતમાં લગભગ 6500 રૂપિયાનો વધારો થઇ શકે છે. બાઈક વાલેના અહેવાલ મુજબ ડ્રમ વેરિયન્ટની કિંમત 71,033 અને ડિસ્ક બ્રેક વેરિયન્ટની કિંમત 75,361 રૂપિયા હોઈ શકે છે. જોકે આ બંને બાઈકની કિંમત માટે આધિકારિક રીતે કોઈ જ સૂચના આપવામાં આવી નથી.
પલ્સર રેંજમાં સૌથી સસ્તી બાઈક પલ્સર 125 છે જેને ગયા વર્ષે માર્કેટમાં લોન્ચ કરવામાં આવી હતી. કંપની આ બાઈકમાં એન્જીન અપડેટની સાથે બીજા પણ કેટલાક ફેરફાર કરી શકે છે. આ બાઈકમાં કંપનીએ 124.4 ccની ક્ષમતા ધરાવતાં એન્જીનનો ઉપયોગ કરવામાં આવે છે જે 12 PSની પાવર અને 11 nmનો ટોર્ક જનરેટ કરે છે.
કંપની દ્વારા બાઈકમાં પરફોર્મન્સ અને માઈલેજ સુધારવા માટે ફયુલ ઇન્જેક્શન ટેક્નિકનો ઉપયોગ કરી શકાય છે. બાઈકમાં અત્યારે સિંગલ પીસ સીટ, એલોય ઓઈલ, હાઈલોજન હેડલાઈટ જેવા ફીચર્સ સામેલ કરવામાં આવ્યા છે. બાઈક ત્રણ રંગોમાં ઉપલબ્ધ છે જેમાં રેડ, સિલ્વર અને બ્લેક રંગ સામેલ છે.