લોકડાઉન અને કોરોના સંક્રમણને કારણે મોટાભાગના લોકો પોતાના ઘરે જ રહીને કામ કરે છે. આ દરમિયાન તમારે ઇન્ટરનેટની સૌથી વધારે જરૂર પડે છે. આમ તો તમારા વિસ્તારમાં ઇન્ટરનેટ સર્વિસ પ્રોવાઈડર હશે જ. પણ એ જાણવું જરૂરી છે કે કઈ કંપનીનો પ્લાન સસ્તો અને સારો છે. તો આવો જાણીએ જિયો ફાયબર, એરટેલ એક્સ્ટ્રીમ, ACT ફાઈબર અને ટાટા સ્કાયમાં સૌથી સસ્તો પ્લાન કયો છે.
Airtel Xstream Fiber
દેશના ઘણા શહેરોમાં એરટેલની ફાઇબર સેવા ઉપલબ્ધ છે. એરટેલ એક્સ્ટ્રીમ ફાયબર બેઝિક પ્લાનની કિંમત 799 રૂપિયા છે. આ પ્લાનમાં તમને 100 MBPS ઝડપે 150 GB ડેટા મળશે, જેની એક મહિનાની વેલિડિટી હશે.
ACT Fibernet
710 રૂપિયાની કિંમતનો સૌથી સસ્તો પ્લાન ACT ફાઇબરનો 'ACT સ્વિફ્ટ' છે. આ કિંમતે વપરાશકર્તાઓને દર મહિને 200 GB ડેટા મળશે, જેની ગતિ 40 MBPS હશે.
Tata Sky
ટાટા સ્કાયના સૌથી સસ્તા પ્લાનની કિંમત 790 રૂપિયા છે જેમાં તમને 50 MBPSની ઝડપે 150 GB ડેટા મળશે. કનેક્શન સાથે ફ્રીમાં રાઉટર આપવામાં આવશે પરંતુ ઇન્સ્ટોલેશન ચાર્જ ચૂકવવો પડશે.
JioFiber
આજકાલ JioFiber વિશે ઘણી ચર્ચા કરવામાં આવે છે. JioFiberનો 699 રૂપિયાનો પ્લાન સૌથી સસ્તો છે, જેમાં દર મહિને 100 MBPSની સ્પીડમાં 100 GB ડેટા મળશે. પહેલા મહિને ઓફરને લીધે, તમને 350 GB ડેટા મળશે. આ પ્લાનમાં કોલિંગ કરવાથી માંડીને ટીવી વીડિયો કોલિંગ જેવી ઘણી ઓફર્સ છે.