Online ડિસ્કાઉટ પર લાગશે 'ગ્રહણ' વિક્રેતાઓની મનમાની પર સરકારની બાજ નજર

ઓનલાઈન શોપિંગમાં અત્યાર સુધી ભારે ડિસ્કાઉન્ટ પ્રાપ્ત કરનારા લોકો માટે આ ખબર ઝટકા સમાન સાબિત થઈ શકે છે. સરકાર એમેઝોન અને ફ્લિપકાર્ટ જેવા ઓનલાઈન શોપિંગ પ્લેટફોર્મ તરફથી મળનારા ભારે ડિસ્કાઉન્ટ પર નજર રાખવા માટે તૈયારી કરી રહી છે. સોમવારે સરકારે ઈ-કોમર્સ પોલિસીના ડ્રાફ્ટને સંબંધિત પક્ષોના સમક્ષ ચર્ચા માટે રજુ કર્યા. પોલિસીના ડ્રાફ્ટમાં પ્રસ્તાવ આપવામાં આવ્યો છે કે આ પ્રકારની છૂટને એક નિશ્ચિત તારીખ બાદ રોકાઈ જવું જોઈએ જેથી સેક્ટરનું નિયમન કરી શકાય.

ઝડપથી ગ્રોથ કરી રહેલા ઓનલાઈન રિટેલ સેક્ટરને લઈ આ પોતાની તરફનો પહેલો પ્રસ્તાવ છે. આ ડ્રાફ્ટમાં એક એવુ બિલ તૈયાર કરવાની વાત કરી છે. તેમાં ફુડ ડિલિવરી સાઈટ્સ જેમકે સ્વિગિ અને જૂમેટોને પણ શામેલ કરવાની વાત કરાઈ છે. ઓનલાઈન સર્વિસ એગ્રિગેટર્સ જેમ કે અર્બન ક્લેપ અને ફાઈનેંશલ સર્વિસેઝ તેમજ પેમેન્ટ એપ પેટીએમ અને પોલિસીબાજારને પણ તેના અંતર્ગત લાવવાનો પ્રસ્તાવ આપવામાં આવ્યો છે.

આ બિલને લાવવાને લઈને સરકારના ઘણા હેતુઓ છે. કંઝ્યુમર પ્રોટેક્શન અને ગ્રીવેંસ રીડ્રેસલ એફડીઆઈ ડેટાની લોકોલ સ્ટોરેજ લઘુ તેમજ મધ્યમ ઉદ્યોગોના વિલય અને અધિગ્રહણના મુદ્દાઓની તેમાં વાત કરાઈ છે. સામાન્ય લોકો પાસેથી સલાહ લીધા બાદ આ બિલમાં ફેરફાર પણ કરાશે. આ બિલમાં સેક્ટરના રેગ્યુલેશન માટે એક રેગ્યુલેટરની નિયુક્તિની પણ વાત કરવામાં આવી છે.

હમણા ભારતમાં ઈ-કોમર્સનું માર્કેટ 25 અરબ ડોલરનું છે જ્યારે આગલા દાયકામાં તે 200 અરબ ડોલર સુધી પહોંચવાની સંભાવના છે. આ સેક્ટરમાં વધતી એક્ટિવિટીના કારણે દિગ્ગજ ગ્લોબલ ફાઈનેંશલ અને રિટેલ પ્લેયર્સ વોલમાર્ટ સોફ્ટબેન્ક અલીબાબ ટાઈગર ગ્લોબલ અને ટેંસેંટ જેવી કંપનીઓએ ભારતમાં નિવેશનો નિર્ણય કર્યો છે. ડ્રાફ્ટ પોલિસીમાં ઘણી ખામીઓ પર લગામ કસવાનો પણ પ્રસ્તાવ છે. ડ્રાફ્ટમાં ન કેવળ એમેઝોન અને ફ્લિપકાર્ટ જેવા માર્કેટપ્લેસ પણ ગ્રુપની કંપનિઓ પર પ્રતિબંધની વાત કરાઈ છે.