સાવધાન / સોનું સસ્તું મળે છે તેવું કોઇ કહે તો માનતા નહીં, ચોંકાવનારો કિસ્સો બન્યો અમદાવાદમાં

• સોનું સસ્તું મળે છે તેવું કોઇ કહે તો માનતા નહીં
• ચોંકાવનારો કિસ્સો બન્યો અમદાવાદમાં

શાહીબાગ વિસ્તારના સિલ્વર પ્લાઝામાં રહેતા અને સીજીરોડ પર આવેલ દર્પણ જ્વેલર્સના કર્મચારી હર્ષિલ શાહે છ લોકો વિરુદ્ધ લૂંટની ફરિયાદ નોંધાવી છે. ફરિયાદમાં જણાવ્યા અનુસાર આજથી દોઢ મહિના પહેલાં હર્ષિલના મિત્ર યોગેશ માલુએ કહ્યું હતું કે શબ્બીર નામનો યુવક કસ્ટમનું સોનું સસ્તા ભાવે આપે છે. 

૧૦૦ ગ્રામનાં સોનાનાં બિ‌િસ્કટ હોવાની કરી વાત 

ત્યારબાદ હર્ષિલની હાજરીમાં મિત્ર યોગેશે શબ્બીરને ફોન કર્યો હતો. શબ્બીરે કહ્યું કે મારી પાસે ૧૦૦ ગ્રામનાં સોનાનાં બિ‌િસ્કટ છે અને એક બિ‌િસ્કટના રૂપિયા ત્રણ લાખ છે. ત્યારબાદ સોનાના બિસ્કિટનો ફોટો યોગેશના મોબાઈલમાં મોકલ્યો હતો.

ત્રણ લાખ રૂપિયા લઈ અદાણી સર્કલ પાસે ગયા

સોનાના બિસ્કિટનો ફોટો જોતાં અને હર્ષિલને તે ઓરિજિનલ લાગતાં તેણે તેના મિત્રને સોનાનાં બિસ્કિટ લેવાનું કહ્યું હતું, ત્યારબાદ શબ્બીરે કહ્યા મુજબ હર્ષિલ અને યોગેશ ત્રણ લાખ રૂપિયા લઈ અદાણી સર્કલ પાસે ગયા હતા. ત્યારબાદ શબ્બીરે તેમને કારમાં બેસાડી અવાવરું જગ્યાએ કાર લઈ જઈ ઊભી કરી દીધી હતી. શબ્બીરનો અન્ય એક માણસ જ્યારે હર્ષિલને સોનાનું બિસ્કિટ આપતો હતાે તે દરમિયાન પાછળથી એક કાર આવી હતી.

ત્રણ લોકોએ ઊતરીને પોલીસની ઓળખાણ આપી

જેમાંથી ત્રણ લોકોએ ઊતરીને પોલીસની ઓળખાણ આપી હતી. ત્યારબાદ તેઓએ હર્ષિલને અહીંયાં શું કરો છો, બધાંને પોલીસ સ્ટેશનમાં લઇ જઇશું, સ્મગલિંગનો ગુનો દાખલ કરીશું એમ કહી ધમકી આપી હતી અને હર્ષિલના ખિસ્સામાંથી ત્રણ લાખ રૂપિયા કાઢી લીધા હતા. પોલીસ સ્ટેશન લઇ જઈશ એમ કહેતાં હર્ષિલ ડરી ગયો હતો. હર્ષિલે તેમની માફી માગતાં પોલીસની ઓળખાણ આપનાર ત્રણ લોકો જતા રહ્યા હતા.