દિવસ જાય તેમ મોંઘવારી વધતી જઇ રહી છે ત્યારે ફરી એકવાર ગુજરાતની એક કંપનીએ ગેસના ભાવમાં 2રુપિયાનો વધારો કર્યો
CNG બાદ PNG ગેસમાં ભાવ વધારો
ચરોતર ગેસ દ્વારા PNG ગેસમાં 2 રૂપિયાનો વધારો
12 દિવસમાં PNGમાં 6 રૂપિયાનો વધારો ઝીંકાયો
મોંઘવારીએ તો ગૃહિણીઓની કમર ભાંગી નાંખી છે. રસોડામાં વપરાતી તમામ વસ્તુઆનો ભાવ આસમાને પહોંચ્યા છે ત્યારે હવે તો ઘરમાં રસોઇ કરવી પણ મોંઘી બની છે કારણ કે , દૂધ, તેલ, શાકભાજી, કઠોળ સહિતના તમામ ભાવમાં વઘારો થઇ રહ્યો છે.ગ્રાહકોને હવે દૈનિક વપરાશમાં લેવાતી વસ્તુઓ માટે ખિસ્સા વધારે ઢીલા કરવાનો વારો આવ્યો છે. ઘઉં, પામોલિન ઓયલ અને પેકેજીંગ ફુડ સહિતના સામાનના ભાવમાં ઉછાળાથી એફએમસીજી કંપનીઓએ પોતાના ઉત્પાદનની કિંમતોમાં વધારો કરી રહી છે. પેટ્રોલ ડીઝલના ભાવ વધતા જ તમામ ચીજ વસ્તુઓના ભાવ આસમાને પહોંચ્યા છે. ત્યારે હવે PNG ગેસના ભાવમાં પણ વધારો નોંધાયો.
ચરોતર ગેસ દ્વારા ભાવ વધારો
ચરોતર ગેસ દ્વારા CNG બાદ PNG ગેસના ભાવમાં વધારો કરવામાં આવ્યો છે. ચરોતર ગેસ દ્વારા PNG ગેસમાં 2 રૂપિયાનો વધારો કરવામાં આવ્યો છે. આણંદ જિલ્લાના 50થી વધુ ગામમાં ચરોતર ગેસ PNG સપ્લાય કરે છે. છેલ્લા 12 દિવસમાં PNG ગેસમાં 6 રૂપિયાનો વધારો ઝીંકાયો છે. એક તરફ શાળાની હાઇ ફી તો બીજી તરફ જીવન જરુરી ચીજવસ્તુઓના ભાવ આસમાને પહોંચતા મધ્યમવર્ગે તો પીસાવાનો વારો આવ્યો છે.
ગુજરાતે ગેસે વધાર્યા હતા ભાવ
ગુજરાત ગેસ દ્વારા પીએનજી ગેસના ભાવમાં પણ વધારો કરવામાં આવ્યો હતો. પ્રતિ યુનિટ 4 રૂપિયાનો ધરખમ વધારો ઝીંકી દેવાયો છે. એક તરફ ગૃહિણીઓની ફરિયાદ છે કે રાંધણગેસમાં સબસીડી મળતી નથી તો બીજી તરફ પીએનજીના ભાવમાં દિવસ જાય તેમ વધારો થઇ રહ્યો છે. આવી મોંઘવારીમાં ઘર કેવી રીતે ચલાવવુ તેના ફાંફા પડી રહ્યા છે. રસોડાની દરેક વસ્તુઓ મોંઘી થઇ ગઇ છે તેમાં પણ વળી બાળકોની ફી, શાળાની વાનનું ભાડુ. આ તમામના ભાવ આસમાને પહોંચતા સામાન્ય નાગરિકે ઘર કેવી રીતે ચલાવવું તે પ્રશ્ન સતાવી રહ્યો છે.