ગીર સોમનાથ પોલીસ દ્વારા આરોપીની અટકાયત કરી માત્ર 25 દિવસમાં આરોપી વિરુદ્ધ ચાર્જશીટ તૈયાર કરી કોર્ટમાં રજૂ કરવામાં આવી
ગીર સોમનાથના દુષ્કર્મ બાદ હત્યાનો મામલો
પોલીસે માત્ર 27 દિવસમાં ચાર્જશીટ તૈયાર કરી
કોડિનાર સ્પેશિયલ કોર્ટમાં આરોપી વિરુદ્વ કેસ ચાલશે
ગીર સોમનાથના જંત્રાખડીમાં 8 વર્ષીય બાળકી સાથે દુષ્કર્મ આચરીને હત્યા કરવામાં આવી હતી. આ કેસમાં પોલીસે તાત્કાલિક આરોપીની ધરપકડ કરી હતી. જેથી આરોપીને કડકમાં કડક સજા આપવાની માગ ઉઠી હતી. જોકે પોલીસે દ્વારા માત્ર 25 દિવસમાં આરોપી વિરુદ્ધ ચાર્જશીટ તૈયાર કરી કોર્ટમાં રજૂ કરવામાં આવી છે.
કોડિનાર સ્પેશિયલ કોર્ટમાં આરોપી વિરુદ્ધ ચાલશે કેસ
જિલ્લા પોલીસ વડા મનોહરસિંહ જાડેજાએ નિવેદન આપ્યું છે. તેમણે કહ્યું કે, યોગ્ય પૂરાવાના આધારે આરોપીને કડક સજા મળવાની આશા છે. આ ઘટનાના પડઘા સમગ્ર ગુજરાતમાં પડ્યા હતા. ઉલ્લેનીય છે કે, આ કેસ કોડિનારની સ્પેશિયલ કોર્ટમાં ચાલશે.
શુ હતી સમગ્ર ઘટના ?
ગીર સોમનાથ જિલ્લાના જંત્રાખડી ગામના આઠ વર્ષની માસૂમ બાળકી ઘરે એકલી હતી. જેને પાડોશીએ દુકાને વસ્તુ લેવા મોકલી હતી. જે જઈ રહી હતી ત્યારે રસ્તામાં આરોપી આરોપી શામજી ભીમા સોલંકીએ પણ આ દિકરીને રૂપીયા આપી બીડી મંગાવી હતી. જે બીડી લઈ આવેલી દીકરી બીડી દેવા આરોપીનાઆ ઘરે ગઈ ત્યારે આરોપી શામજી ઘરે એકલો હતો. જેનો લાભ લઈ તેને બાળકીને અંદર ખેંચી લીધી હતી.
મોઢે ડુમો દઈ આરોપી શામજીએ દુષ્કર્મ આચર્યું હતું
આરોપીના આ કૃત્યથી બાળકી હેબતાઈ જઇ બૂમો પડતાં તેના મોઢે ડુમો દઈ આરોપી શામજીએ વાસના ભૂખ્યા વરુની જેમ બાળકીને પીંખી નાખી હતી. નરાધમ શખ્સે માસુમ ઉપર દુષ્કર્મ આચર્યા બાદ પોતાનું કૃત્ય સંતાડવા ઠંડા કલેજે ફૂલ જેવી બાળકીની હત્યા નિપજાવી હતી. એટલું જ નહી રાક્ષસી વૃતિ દાખવી દયાહિન શખ્સે માસુમના મૃતદેહને કોથળામાં ભરી ગામના 66 કે.વી.ની સામે ફેંકી દીધો હતો. અને જાણે કઈ થયું જ ન હોય તેમ ઘરે આવી સુઇ ગયો હતો.