BIG NEWS / લખીમપુર ખીરી હિંસા કેસમાં મંત્રીપુત્ર આશિષ મિશ્રા મુખ્ય આરોપી, 14 સામે 5000 પાનાંની ચાર્જશીટ દાખલ

• લખીમપુર ખીરી હિંસા કેસમાં ચાર્જશીટ દાખલ
• મંત્રી અજય મિશ્રાનો દીકરો મુખ્ય આરોપી 
• કુલ 14 આરોપીઓ વિરુદ્ધ 5000 પાનાંની ચાર્જશીટ દાખલ 

લખીમપુર ખીરી હિંસા કેસમાં સોમવારે કોર્ટમાં પાંચ હજાર પાનાની ચાર્જશીટ દાખલ કરવામાં આવી હતી. જેમાં 14 લોકો આરોપી હોવાનું જાણવા મળ્યું છે. આ આરોપીઓમાં ગૃહ રાજ્યમંત્રી અજય મિશ્રાના સંબંધીનો પણ સમાવેશ થાય છે.

મંત્રી અજય મિશ્રાનો દીકરો મુખ્ય આરોપી 

આ કેસમાં મુખ્ય આરોપી ASHISH MISHRA છે. જેમાં કેસમાં 14 લોકોને આરોપી તરીકે નામ આપવામાં આવ્યા હતા. 3 ઓક્ટોબરે ટીકુનિયા શહેરમાં ફાટી નીકળેલી હિંસામાં ચાર ખેડૂતો અને એક પત્રકાર સહિત આઠ લોકોનાં મોત થયા હતા. એ જ તારીખે રાત્રે એફઆઈઆર દાખલ કરવામાં આવી હતી. બીજી તરફ ભાજપના નેતા દ્વારા દાખલ કરવામાં આવેલી FIRમાં અત્યાર સુધીમાં સાત આરોપીઓની ધરપકડ કરવામાં આવી છે.

Uttar Pradesh: SIT files chargesheet against 14 accused in the Lakhimpur Kheri violence case

"Name of one more person, Virendra Shukla, has been added in the chargeseet. He has been charged under Section 201 of IPC," prosecution lawyer says

— ANI UP/Uttarakhand (@ANINewsUP) January 3, 2022

મિશ્રાના એક સંબંધીને પણ આરોપી બનાવાયો
ચાર્જશીટમાં ગૃહ રાજ્યમંત્રી અજય મિશ્રાના પુત્ર આશિષ મિશ્રા સાથે તેમના સાળા વીરેન્દ્ર શુક્લાનું નામ પણ જોડવામાં આવ્યું છે. વીરેન્દ્ર શુક્લા બ્લોક હેડ છે. જેમના પર પુરાવા છુપાવવાનો આરોપ છે.

10 ઓક્ટોબરે ધરપકડ કરવામાં આવી હતી
ટિકુનિયા કેસમાં કેન્દ્રીય ગૃહ રાજ્ય મંત્રી અજય મિશ્રાના પુત્ર આશિષ મિશ્રા મોનુ સહિત 13 આરોપીઓ જિલ્લા જેલમાં બંધ છે. આશિષ મિશ્રાની 10 ઓક્ટોબરે ધરપકડ કરવામાં આવી હતી, પરંતુ તે પહેલા 7 ઓક્ટોબરે આશિષ મિશ્રાના નજીકના લવકુશ અને આશિષ પાંડેની ધરપકડ કરવામાં આવી હતી. બંનેને 8 ઓક્ટોબરે જ્યુડિશિયલ કસ્ટડીમાં જેલમાં મોકલવામાં આવ્યા હતા.કેસમાં 14 લોકોને આરોપી તરીકે નામ આપવામાં આવ્યા હતા.