મની લોન્ડરિંગ કેસમાં ઈડીએ જમ્મુ કાશ્મીરના પૂર્વ સીએમ ફારુક અબ્દુલાની સામે ચાર્જશીટ દાખલ દાખલ કરી છે.
NC ચીફ ફારુક અબ્દુલા ફસાયા
મની લોન્ડરિંગ કેસમાં ઈડીએ કરી કાર્યવાહી
ચાર્જશીટ ફાઈલ કરી, 27 ઓગસ્ટે હાજર થવાનો આદેશ
ફારુક અબ્દુલાની સામે ઈડીએ મોટી કાર્યવાહી કરી છે. ઈડીએ અબ્દુલાની સામે PMLA કોર્ટમાં તેમની સામે ચાર્જશીટ ફાઈલ કરી છે. આ ઉપરાંત ઈડીએ તેમને 27 ઓગસ્ટે PMLA કોર્ટમાં હાજર થવાનો આદેશ આપ્યો છે. જમ્મુ કાશ્મીર ક્રિકેટ એસોસિએશન ફંડ કૌભાંડ સાથે જોડાયેલા કેસમાં ઈડીએ અબ્દુલાની સામે ચાર્જશીટ દાખલ કરી છે. ફારુક અબ્દુલાની સાથે અહમદ મિર્ઝા, મીર મંજૂર ગઝાનફર અને બીજા આરોપીઓના નામ છે. પીએમએલએ કોર્ટે તમામ આરોપીઓને પીએમએલએ કોર્ટ સમક્ષ 27 ઓગસ્ટના રોજ હાજર રહેવાનો આદેશ પાઠવ્યો છે.
ED has filed Supplementary Chargesheet against Farooq Abdullah in Jammu and Kashmir Cricket Association Fund scam.
ફારુક અબ્દુલા સામે શું છે કેસ
જમ્મુ એન્ડ કાશ્મીર ક્રિકેટ એસોસિએશનમાં કથિત નાણાકીય ગેરરીતિઓ સંબંધિત કેસમાં ઈડીએ તેમની સામે કાર્યવાહી કરી છે. ઈડીએ તેમની સામે કોર્ટમાં ચાર્જશીટ ફાઈલ કર્યું છે. આ પહેલા 31 મેના દિવસે ઈડીએ 3 કલાક સુધી અબ્દુલાની પૂછપરછ કરી હતી. ઈડીએ આ પહેલા ફારુક અબ્દુલાની 21.50 કરોડની સંપત્તિ જપ્ત કરી લીધી હતી. ઈડીએ જમ્મુ કાશ્મીર ક્રિકેટ એસોસિએશનના હોદ્દેદારોની સામે 2018માં સીબીઆઈ દ્વારા દાખલ ચાર્જશીટને આધારે મની લોન્ડરિંગની તપાસ શરુ કરી હતી.