વડોદરાઃ શહેરના અખંડ ફાર્મ હાઉસમાં દારૂની પાર્ટી મામલે આખરે ચિરાયું અમિન સહિતના આરોપીઓ સામે પોલીસે ચાર્જશિટ દાખલ કરી છે. થોડા સમય પહેલા અખંડ ફાર્મમાં હાઈપ્રોફાઈલ દારૂની મહેફિલ ઝડપાઈ હતી. જેમાં મોટા માથાઓ દારૂની મહેફિલ માણતા ઝડપાયા હતા. જે મામલે હવે છેક ચાર્જશીટ દાખલ કરાઈ છે.
શું હતો કેસ?
બરાબર બે વર્ષ પહેલાનો મહેફિલકાંડ કેસ છે. 23મી ડિસેમ્બરે વડોદરાના અખંડ ફાર્મમાં પાર્ટી યોજાઈ હતી. વડોદરાના ઉદ્યોગપતિ પરિવારે પાર્ટી યોજી હતી. પાર્ટી ચાલી રહી હતી તેવા સમયે પોલીસ ત્રાટકી હતી. આ પાર્ટીમાં વડોદરાના અગ્રણી લોકો હાજર હતા. ઉદ્યોગપતિ અને IPLના પૂર્વ ચેરમેન ચિરાયુ અમિન પણ પાર્ટીમાં સામેલ હતા. ચિરાયુ અમિનને જામીન આપી પોલીસે પાછલા બારણે રવાના કર્યા હતા. જિલ્લા પોલીસ વડાએ પાર્ટીમાં અમિન હાજર હતા તેવી વાત કરી હતી.
વડોદરા પોલીસે 5 ટીમ બનાવીને પાર્ટી પર રેડ કરી હતી. ચિરાયુ અમિનની પોલીસે અટકાયત કરી હતી પણ તેમને જામીન આપી છોડી મુક્યા હતા. પોલીસે ઘટના સ્થળેથી 80 કાર જપ્ત કરી હતી. 80માંથી 35 લક્ઝુરિયસ અને મોઘી કાર હતી. પોલીસે પાર્ટીના સ્થળ પરથી 273 લોકોની અટકાયત કરી હતી. અટકાયતીઓમાંથી 127 પુરુષો અને 134 મહિલાઓ હતી. પાર્ટી કરી રહેલા 273માંથી 143 વ્યક્તિઓના બ્લડ રિપોર્ટ પોઝિટિવ આવ્યા હતા. ચિરાયુ અમીનનો બ્લડ રિપોર્ટ પણ પોઝિટિવ આવ્યો હતો. પોલીસે પાર્ટીના સ્થળેથી 1 લાખ 30 હજારનો દારૂ પણ જપ્તે કર્યો હતો. આ પાર્ટીમાં બે બ્રિટિશ નાગરિકો પણ સામેલ હતા