પાટણ જિલ્લાના સાંતલપુર તાલુકાના ચારણકા ગામને એક સમયે પાટણ જિલ્લાના નકશામાં શોધવું પડતું હતું, એશિયાના સૌથી મોટા સોલાર પાર્કનું બિરુદ મેળવ્યું છે
ચારણકાએ દુનિયામાં અપાવી આગવી ઓળખ
ચારણકામાં ધબકતી રોજગારી, વિકસતો પાર્ક
અહીં પાવર અને રોજગારી બને થયાં જનરેટ
પાટણ જિલ્લાના સાંતલપુર તાલુકાના ચારણકા ગામને એક સમયે પાટણ જિલ્લાના નકશામાં શોધવું પડતું હતું, ચારણકા ગામનો કોઈ મોટો ઈતિહાસ કે કોઈ મોટી ઓળખ ન હતી જોકે, 2011 ની સાલમાં ગુજરાતના તત્કાલીન મુખ્યમંત્રી નરેન્દ્ર મોદીએ એશિયાના સૌથી મોટો સોલાર પાર્ક માટે પાટણ જીલ્લાનાં સાંતલપુર તાલુકાના ચારણકા ગામની પસંદગી કરી ત્યારબાદ આજે સમગ્ર દેશ અને દુનિયામાં ચારણકા ગામની એક આગવી ઓળખ ઊભી થઈ છે ત્યારે હાલ ચારણકા અને આસપાસના ગામની સ્થિતિ બદલાઈ ગઈ છે
ચારણકાએ દુનિયામાં અપાવી આગવી ઓળખ
સોલાર પેનલથી છવાયેલી આ ધરતીનો વિશાળ પટ, અને તેના પરિપાક રૂપ અહીં ઊભા થયેલા શક્તિશાળી ટ્રાન્સફોર્મરો અને વિદ્યુત સબસ્ટેશનો અહીં છે એશિયાના સૌથી મોટા સોલાર પાર્કનું બિરુદ પામેલા ચારણકા સોલાર પાવર પ્લાન્ટ છે. સોલાર પાર્કની વાત કરવામાં આવે તો પાંચ હજાર ચારસો એકરમાં ફેલાયેલ સોલાર પાર્કને જોવા માટે આપે ટુ વ્હીલર કે ફોર વ્હીલરનો સહારો લેવો પડે તોજ આપ આખા સોલાર પાર્કનું ભ્રમણ કરી શકો.
2011માં જ્યારે સ્થાપના સમયે પાર્કમાં 17 વીજ કંપનીઓ કાર્યરત હતી, અને 214 મેગાવોટ વીજળીનું ઉત્પાદન થતું હતું, જોકે આજે 36 વીજ કંપનીઓ કાર્યરત છે અને એમાં 730 મેગાવોટ વીજળીનું ઉત્પાદન થઈ રહ્યું છે એટલે કે છેલ્લા 11 વર્ષમાં ત્રણ ગણી કંપનીઓ અને ત્રણ ઘણું વીજ ઉત્પાદન આ સોલાર પાર્કમાં વધ્યું છે. સોલાર પાર્કમાં નજર કરીએ તો કોઈ અલગ દુનિયામાં આવી ગયા હોય તેઓ ભાસ થાય છે સોલાર પાર્કની મોટી કતાર બંધ સોલારની પેનલો, વીજ પાવર માટે લગાવવામાં આવેલ મોટા વીજ ઉપકરણો અને વીજ લાઈનો જોઈ આપ પણ દંગ રહી જશો.
ચારણકામાં ધબકતી રોજગારી, વિકસતો પાર્ક
આ સમગ્ર સોલાર પાકનું સંચાલન ગુજરાત સરકારની જીપીસીએલ કંપની કરી રહી છે 36 કંપનીઓમાં મોટાભાગની કંપનીઓ ઇન્ડિયન છે બાકીની વિદેશી કંપનીઓ છે જેમાં સોલારની મલ્ટી ટેકનોલોજીનો ઉપયોગ પણ કરવામાં આવી રહ્યો છે સોલર પાર્કમાં પ્રવેશ કરવો હોય તો મુખ્ય ત્રણ ગેટમાંથી પ્રવેશ કરી શકાય છે તો સોલાર પાર્કની મુલાકાતે આવેલ મુલાકાતિઓને આખો સોલાર પાર્ક ઊંચાઈથી જોઈ શકે તેના માટે એક અલાયદો વિશાળ ટાવર બનાવવામાં આવ્યો છે આજે ટાવર ઉપરથી આખા સોલર પાર્કનો અનોખો નજારો જોઈ અને માણી શકાય છે સોલાર પાર્કમાં લેબર ટેકનિશિયન સિક્યુરિટી સ્ટાફ સહિતના કર્મીઓની વાત કરવામાં આવે તો 1000થી 1200 જેટલા લોકો રોજગારી મેળવી રહ્યા છે એમાં પણ મોટાભાગના સાંતલપુર તાલુકાના સ્થાનિક યુવાનો આ રોજગારીનો લાભ લઈ રહ્યા છે.
અહીં પાવર અને રોજગારી બને થયાં જનરેટ
જોકે, આ સોલાર પાર્ક સૌથી વધુ આશીર્વાદ રૂપ સાંતલપુર તાલુકાના બેરોજગાર યુવાનો માટે બની રહ્યો છે કામ ધંધાની શોધમાં પાટણથી અમદાવાદ સુધી લાંબા થતાં યુવાનો આજે સોલાર પાર્કમાં સિક્યુરિટી સહિત નાના-મોટા લેબર કામમાં જોતરાઈ ગયા છે અને પોતાનો ધંધો રોજગાર પણ મેળવી રહ્યા છે, સાંતલપુર તાલુકાના ચારણકા સહિતના આસપાસના સ્થાનિક ગામોના લોકો પણ સોલાર પાર્કને આશીર્વાદરૂપ માની રહ્યા છે એટલું જ નહીં, હવે તો આસપાસના ગામમાં પણ સોલાર લાઈટનું ચલણ વધ્યું છે, લોકો પણ પોતાના ઘર ઉપર સોલાર પ્લેટની મદદથી પોતાના ઘરમાં વીજળી મેળવી રહ્યા છે