પ્રચારના શ્રીગણેશ / CM ચન્નીએ ઉડાવી દીધો AAPના સૌથી મોટા ચૂંટણી વાયદાનો 'ફ્યૂઝ', કર્યું મોટું એલાન, કેજરીવાલ ટેન્શનમાં

• CM ચન્નીએ AAPને આપ્યો મોટો ઝટકો
• વીજળી બીલ પર સીએમ ચન્નીએ કર્યું મોટું એલાન 
• રાજ્યમાં 1200 કરોડથી વધારે વીજળી બીલ માફ 
• રાજ્યના 53 લાખ પરિવારોને થશે ફાયદો
• 2KW સુધીના વીજ બીલ માફ થશે 

પંજાબમાં આમ આદમી પાર્ટીએ લોકોની દુખતી રગોમાં એક વીજળી બીલ પર એક વાયદો કર્યો હતો. હવે વીજળી બીલ પર સીએમ ચન્નીએ મોટું એલાન કરી દીધું છે.

1200 કરોડથી વધારે વીજળી બીલ માફ, 53 લાખ પરિવારોને ફાયદો

કેબિનેટ મીટિંગ બાદ સીએમ ચન્નીએ એલાન કર્યું કે રાજ્યમાં 1200 કરોડથી વધારે વીજળી બીલ માફ કરાઈ રહ્યાં છે. પંજાબ સરકાર પોતાના ખર્ચે વીજ બીલની માંડવાળ કરશે. પંજાબના લગભગ 53 લાખ પરિવારોને ફાયદો થશે. 2 કેડબલ્યુ વીજળીના મીટર સુધીનો ઉપયોગ કરનારના બાકી બીલ માફ કરાઈ રહ્યાં છે. 

કપાયેલા વીજ કનેક્શન ફરી વાર ચાલુ કરાશે 

સીએમે એવું પણ જણાવ્યું કે કપાયેલા વીજ કનેક્શન પણ ફરી વાર ચાલુ કરવામાં આવશે. 

AAP એ 300 યુનિટ ફ્રી વીજળીનો વાયદો કર્યો છે

પંજાબ સહિત બાકી રાજ્યોમાં આમ આદમી પાર્ટીએ ફ્રી વીજળી આપવાનો વાયદો કર્યો છે. આમ આદમી પાર્ટીએ જાહેરાત કરી છે કે જો પંજાબમાં તેમની સરકાર બનશે તો લોકોને 300 યુનિટ સુધી ફ્રી વીજળી આપશે.