માહિતી / કેદારનાથના 29 ઓક્ટોબરે, તો 17 નવેમ્બરથી બંધ થશે બદ્રીનાથ ધામના કપાટ

• આ વર્ષની ચાર ધામ યાત્રાનું પણ સમાપન થશે
• 29 ઓક્ટોબરે કેદારનાથ અને 17 નવેમ્બરે બદ્રીનાથના કપાટ બંધ થશે

આ સાથે જ આ વર્ષની ચાર ધામ યાત્રાનું પણ સમાપન થશે. તમને જણાવી દઇએ કે આ વર્ષે 9 મે કેદારનાથ ધામના અને 10 મે બદ્રીનાથના કપાટ ખોલી દેવામાં આવ્યા હતા. 

આ વર્ષ અત્યાર સુધી 9 લાખથી વધારે લોકો કેદારનાથના કરી ચુક્યા છે દર્શન 

મંદિર સમિતિના રેકોર્ડ અનુસાર આ વર્ષે ઓક્ટોબર મહિનાની શરૂઆત સુધી 10.42 લાખ લોકોએ બદ્રીનાથ અને લગભગ 9.09 લાખ લોકોએ કેદારનાથના દર્શન કર્યા છે

ગત વર્ષે 6 મહિના કેદારનાથ મંદિરના દર્શન માટે ખોલવામાં આવ્યા હતા આ દરમિયાન 7 લાખ 31 હજાર ભક્ત અહીંયા દર્શન કરવા માટે પહોંચ્યા હતા. તો બીજી બાજુ 10 લાખ 48 હજાર ભક્તોએ બદ્રીનાથના દર્શન કર્યા હતા. 

મંદિર સમિતિના લોકો અને અધિકારીઓનું માનવું છે કે કેદારનાથ મંદિરમાં પ્રધાનમંત્રી નરેન્દ્ર મોદી દ્વારા ગુફામાં ધ્યાન લગાવ્યા બાદથી અહીંયા પહોંચનાર શ્રદ્ધાળુઓની સંખ્યા ફાસ્ટ વધી છે. તમને જણાવી દઇએ કે ગત વર્ષે મે માં પ્રધાનમંત્રી મોદી કેદારનાથ દર્શન માટે પહોંચ્યા હતા.