તમારા કામનું / UPIથી લઈને બૅન્કિંગ સેક્ટરમાં થયા 5 મોટા બદલાવ, મિડલ-ક્લાસની આવક પર પડશે સીધી અસર

• 1 મેથી થશે 5 મોટા બદલાવ 
• તમારા ખિસ્સા પર પડશે અસર 
• UPIથી લઈને એલપીજી સીલીન્ડરમાં પણ જોવા મળશે બદલાવ 

મે મહિનાની શરૂઆત થઇ ચુકી છે. રવિવારથી શરુ થયેલ આ મહિનો ઘણા બદલાવ લઈને આવ્યો છે. એલપીજી સીલીન્ડરથી લઈને ટોલ ચાર્જ સુધી 1 મેથી ઘણી વસ્તુઓ બદલાઈ જશે. આમાંથી ઘણી તમારા ખિસ્સા પર સીધી અસર પાડશે. આવો જાણીએ એવી કઈ કઈ વસ્તુઓ છે, જે તમારા ખિસ્સા પર અસર કરશે. 

સીલીન્ડરની કિંમતમાં વધારો 

સરકારી તેલ કંપનીઓએ કમર્શિયલ એલપીજી સીલીન્ડરનાં ભાવમાં વધારો કર્યો છે. સીલીન્ડર 102.50 રૂપિયા મોંઘુ થઇ ગયું છે. નવા ભાવ લાગુ થયા બાદ 1 મેથી દિલ્હીમાં 19 કિલોગ્રામ કમર્શિયલ સીલીન્ડરનો ભાવ 2253 રૂપિયાથી વધીને 2355 રૂપિયા થઇ ગયો છે. 

IPOમાં UPIથી પેમેન્ટની લિમિટ વધી 

સેબીએ એપ્રિલમાં આઈપીઓ માટે UPIથી પેમેન્ટ કરવાની લિમિટ વધારવાનો નિર્ણય લીધો છે. આ નિયમને 1 મેથી લાગુ કરવામાં આવ્યો છે. હવે તમે કોઈપણ IPOમાં યૂપીઆઈની મદદથી 5 લાખ રૂપિયા સુધી રોકાણ કરી શકશો. પહેલા આ લિમિટ 2 લાખ રૂપિયા સુધીની હતી. 

જેટ ફયુલ મોંઘુ થયું 

એલપીજી સીલીન્ડર ઉપરાંત જેટ ફયુલ પણ 1 મેથી મોંઘુ થઇ ગયું છે. દિલ્હીમાં એર ટરબાઇન ફયુલનો રેટ વધીને 116851.૪૬ રૂપિયા પ્રતિ કીલોલિટર થઇ ગયું છે. આ પહેલા 16 એપ્રિલનાં રોજ પણ એટીએફની કિંમતોમાં વધારો જોવા મળ્યો હતો. 

પૂર્વાંચલ એક્સપ્રેસ વે પર ટોલ ટેક્સ 

1 મેથી પૂર્વાંચલ એક્સપ્રેસ વે પર ટોલ ટેક્સની શરૂઆત થઇ રહી છે. આ એક્સપ્રેસ વે પર ટોલ ટેક્સ 833 રૂપિયાનો હશે. પરંતુ તમને 25 ટકા છૂટ બાદ 625 રૂપિયા ટોલ આપવો પડશે. યૂપી ઈલેક્શનને કારણે આ એક્સપ્રેસ વેને અત્યાર સુધી ફ્રી રાખવામાં આવ્યો હતો. 

13 દિવસ બંધ રહેશે બેન્ક 

મે મહિનામાં શનિવારે અને રવિવારની રજાઓ સાથે કુલ 13 દિવસ બેન્ક બંધ રહેશે. આ મહીને કુલ 7 રજાઓ શનિવાર અને રવિવારની છે. તે ઉપરાંત, 2 મેનાં રોજ મહર્ષિ પરશુરામ જયંતી, 3 મેના રોજ ઇદની રજા છે. અમુક રાજ્યોમાં 4 તારીખે પણ ઈદની રજાઓ અપાઈ છે. 9 મેના રોજ ગુરુ રવીન્દ્રનાથ જયંતીને કારણે પશ્ચિમ બંગાળમાં રજા રહેશે. 16 મેનાં રોજ બુધ પૂર્ણિમા અને 24 મેનાં રોજ કાઝી નઝારુલ ઈસ્માલનો જન્મદિવસ છે.