કાયદો-કાનૂન / રાજકોટમાં ટ્રાફિક પોલીસની વ્યવસ્થામાં ફેરફાર, હવે ઈ-મેમો ઘરે નહીં પરંતુ આ રીતે વાહનચાલકને મળશે

• રાજકોટ પોલીસની મહત્વની જાહેરાત 
• ડિજિટલ માધ્યમથી આવશે મેમો 
• ઓનલાઈન મેમો આવશે

રાજકોટ પોલીસ દ્વારા મહત્વની જાહેરાત કરાઈ છે. જેમાં વાહન ચાલકો ટ્રાફિક નિયમોનો ભંગ કરશે તો, ઓનલાઈન મેમો ઘરે આવશે નહીં. પરંતુ ઓનલાઈન મેમો લોકોના ફોનમાં મોકલવામાં આવશે. આ સાથે  લોકો રોકડ રૂપિયા ચૂકવીને મેમો ભરી શકશે નહીં. પણ ડિજિટલ માધ્યમથી દંડની વસૂલાત કરાશે.

અમદાવાદમાં પણ ટ્રાફિક પોલીસના કડક નિયમપાલન

અમદાવાદમાં ટ્રાફિક દંડની રકમ સ્થળ પરથી ડિજિટલ પેમેન્ટ કરી શકશે. ટ્રાફિક પોલીસ કર્મીઓને હવે POS મશીન અપાશે. 150 જેટલા POS મશીન આપવામાં આવશે. આ માટે ટ્રાફિક પોલીસ કર્મીને ટ્રેઇનિંગ પણ અપાઇ હતી. જેમાં રોડ પર ટ્રાફિક ભંગ કરનાર ડિજિટલ પેમેન્ટ કરી દંડ ભરવાનો રહેશે.

લાંબા સમય બાદ પોલીસે ઇ-મેમો આપવાનું શરૂ કર્યું છે ત્યારે ટ્રાફિક નિયમોનો ભંગ કરતા અને ખિસ્સામાં પુરા પૈસા ન હોવાનું બહાનું કાઢતા વાહનચાલકો માટે ડિજીટલ પેમેન્ટની સિસ્ટમ દાખલ કરી છે. આ નવી સિસ્ટમ મુજબ રોકડ પેમેન્ટ ન ચૂકવનાર વાહન ચાલકો પાસેથી પોલીસ POS મશીનથી દંડ વસુલ કરશે. આ મશીન દ્વારા કાર્ડ પેમેન્ટ, UPI, QR કોડ, ભીમ એપ જેવા માધ્યમોથી પેમેન્ટ થઈ શકશે.

હાલમાં POS મશીન માટે ટ્રાફિક પોલીસે SBI સાથે MOU કર્યા છે. એટલું જ નહીં જો કોઈ વાહન ચાલક પોલીસ સાથે રકઝક કરશે તો તેના ફોટો કે વિડિયો પણ આ મશીનથી ઉતારી શકશે. આ પ્રકારના ડિજીટલ પેમેન્ટથી ટ્રાફિક પોલીસમાં ભ્રષ્ટાચારનું પ્રમાણ પણ ઘટી જશે.