એક એપ્રિલથી નવા નાણાકીય વર્ષની શરૂઆત થશે અને તે પહેલા કેટલાક કામ પતાવી લેવા જોઇએ નહીંતર આગળના વર્ષમાં મુશ્કેલીઓ ઉભી થાય છે.
31 માર્ચ પહેલા પતાવી લેજો મહત્વના કામ
આધાર અને પાનકાર્ડ લિંક કરાવવાનુ ન ભૂલતા
સસ્તી હોમલોન લેવાની તક ન ચૂકી જતા
ઇન્કમટેક્સમાં છૂટ લેવા માટે ઇનવેસ્ટ અને આધારને પેન કાર્જ લિંક કરવા જેવા કેટલાક કામ તમારે પતાવી લેવા જોઇએ. સાથે જ તમે ઘર ખરીદવા માટે સસ્તી હોમ લોન પણ લઇ શકો છો.
ઇન્કમટેક્સમાં છૂટ
જો તમે ચાલુ નાણાકીય વર્ષમાં ટેક્સ છૂટનો ફાયદો લેવા માટે ઇનવેસ્ટ કરવા માંગો છો તો તેને 31 માર્ચ સુધી પતાવી લો. ઇન્કમટેક્સના સેક્શન 80C અને 80D હેઠળ કરવામાં આવેલા ઇનવેસ્ટમેન્ટ પર ટેક્સ છૂટનો ફાયદો મળે છે. ઇન્કમટેક્સ એક્ટના સેક્શન 80સી હેઠળ 1.5 લાખ રૂપિયા સુધીના ઇનવેસ્ટમેન્ટ પર ટેક્સ છૂટ મળે છે.
આધાર-પાન કાર્ડ લિંક કરાવી લો
પાન કાર્ડને આધાર કાર્ડ સાથે લિંક કરાવી લેવુ ખુબ અગત્યનુ છે. તેની છેલ્લી તારીખ 31 માર્ચ છે. પાનકાર્ડ ડિએક્ટિવ થઇ જાય તે પહેલા તેને આધાર સાથે લિંક કરી દો.
સસ્તી હોમલોનનો ફાયદો
સ્ટેટ બેંક ઓફ ઇન્ડિયા, એચડીએફસી, કોટક મહિન્દ્રા અને ICICI બેંકે હોમ લોનના વ્યાજદર ઘટાડ્યા છે. જો તમે પણ સસ્તા વ્યાજદર પર લોન લેવા માંગતા હોવ તો 31 માર્ચ સુધી લઇ લેજો. બાદમાં વ્યાજદર વધી જશે.
PM ખેડૂતમાં રજીસ્ટ્રેશન
પીએમ ખેડૂત સમ્માન નિધી યોજના હેઠળ અત્યાર સુધી 7 હપ્તા ખેડૂતોના ખાતામાં જમા થઇ ચૂક્યા છે. જે લોકો હજુ પણ પીએમ ખેડૂત સમ્માન નિધી યોજનામાં પોતાનુ રજીસ્ટ્રેશન નથી કરાવ્યુ તેમણે ફટાફટ તે કરાવી લેવુ જોઇએ નહીંતર મળવાપાત્ર લાભથી વંચિત રહી જશો.
ખેડૂત ક્રે1ડિટ કાર્ડ
જો તમે ખેડૂત છો અને હજુ સુધી તમે ખેડૂત ક્રેડિટ કાર્ડ નથી બનાવડાવ્યુ તો 31 માર્ચ પહેલા તે પણ બનાવી લો. જે ખેડૂતોએ રજીસ્ટ્રેશન કરાવ્યુ છે પણ તેમને કાર્ડ નથી મળ્યુ તેના માટે તે નજીકની બેંકમાં સંપર્ક કરી શકે છે. જેનાથી કાર્ડ ક્યાં અટક્યુ છે તેની જાણકારી મળે અને લાભથી વંચિત ન રહી જાય.