એવી ઘણી વસ્તુઓ છે જે નવા મહિનામાં બદલાઈ જશે અને તેની તમારા જીવન પર સીધી અસર પડશે.
નવેમ્બરથી બદલાઈ જશે આ વસ્તુઓ
રાંધણ ગેસ સિલિન્ડરની કિંમતોમાં થશે વધારો
જાણો બીજા કયા કયા થશે ફેરફાર
ઓક્ટોબરનો મહિનો ખતમ થવા જઈ રહ્યો છે. સોમવારથી નવેમ્બર મહિનો શરૂ થવા જઈ રહ્યો છે. એવી ઘણી વસ્તુઓ છે જે નવા મહિનામાં બદલાઈ જશે અને તેની તમારા જીવન પર સીધી અસર પડશે. તમારા ખિસ્સાને પણ આ વસ્તુઓ પ્રભાવિત કરશે અને રોજીંદા જીવનના કામો પર પણ અસર કરશે. આવો એમાંથી અમુક વાતો પર નજર કરીએ જે 1 નવેમ્બરથી બદલાઈ જશે.
રાંધણ ગેસ સિલિન્ડરની કિંમત
1 નવેમ્બરથી રસોઈ ગેસ સિલિન્ડરની કિંમતોમાં ફેરફાર થવાની આશા છે. એવું માનવામાં આવી રહ્યું છે કે LPGની કિંમતોમાં વધારો થઈ શકે છે. PTIની એક રિપોર્ટ અનુસાર, LPGના વેચાણ પર થનાર નુકસાનને જોતા સરકાર એક વખત ફરી એલપીજી સિલિન્ડના ભાવમાં વધારો કરી શકે છે. જો આમ થયું તો આ રસોઈ ગેસની કિંમતોમાં પાંચમો વધારો થશે.
અમેરિકી ટ્રાવેલ ગાઈડલાઈન્સ
નવેમ્બરમાં અમેરિકા જવા માટેની ગાઈડલાઈન્સ પણ બદલાવવા જઈ રહી છે. હવે ફક્ત એજ વિદેશી નાગરિક અમેરિકા માટે વિમાનમાં બેસી શકશે. જેમણે વિશ્વ સ્વાસ્થ્ય સંગઠન દ્વારા ઈમરજન્સી ઉપયોગ કરવા માટે મંજૂર વેક્સીન લગાવી હશે. આ નિયમો હેઠળ જે લોકોને વેક્સિન નથી લગાવવામાં આવી તેમનો અમેરિકામાં પ્રવેશ મુશ્કેલ થઈ જશે.
બેન્કની રજાઓ
આ ઉપરાંત નવેમ્બરમાં બેન્ક પણ ઘણા દિવસો સુધી બંધ રહેશે. નવેમ્બરમાં લગભગ 17 દિવસ બેન્ક બંધ રહેશે. આ રજાઓમાં બીજા અને ચોથા શનિવારની સાથે રવિવાર પણ શામેલ છે. જે લોકોને નવેમ્બરમાં બેન્ક સાથે જોડાયેલા જરૂરી કામ પુરા કરવાના છે તેમણે રજાઓની લિસ્ટ જોઈ લેવી જોઈએ અને પોતાના કામની પ્લાનિંગ પહેલા જ કરી લેવી જોઈએ.
દિલ્હીમાં ખુલશે સ્કૂલ
રાષ્ટ્રીય રાજધાની દિલ્હીમાં 1 નવેમ્બરથી દરેક સ્કૂલ અને શૈક્ષણિક સંસ્થાઓને ખોલવાની પરવાનગી આપવામાં આવશે. દિલ્હીના ઉપમુખ્યમંત્રી મનીષ સિસોદિયાએ કહ્યું કે જે લોકો ઓનલાઈન અભ્યાસ કરવા માંગે છે તે કરી શકે છે. દિલ્હીના ઉપમુખ્યમંત્રી મનીષ સિસોદિયાએ કહ્યું છે કે કોરોનાના મામલામાં ઘટનાના કારણે આ નિર્ણય કર્યો છે.
વોટ્સએપ થઈ જશે બંધ
1 નવેમ્બરથી અમુક આઈફોન અને એન્ડ્રોયડ ફોન્સ પર 1 નવેમ્બરથી વોટ્સએપ કામ કરવાનું બંધ કરી દેશે. વોટ્સએપ પર આપવામાં આવેલી જાણકારી અનુસાર, 1 નવેમ્બરથી ફેસબુકની સ્વામિત્વ વાળા પ્લેટફોર્મ એન્ડ્રોયડ 4.0.3 Ice Cream Sandwich, iOS 9, અને KaiOS 2.5.0ને સપોર્ટ નથી કરતું. જે સ્માર્ટફોન્સ પર આ સપોર્ટ નહીં કરે તેમાં સેમસંગ, ZTE, હુવાવે, સોની, Alcatel વગેરે શામેલ છે.
SBIની વીડિયો કોલ દ્વારા લાઈફ સર્ટિફિકેટ જમા કરવાની સુવિધા
દેશની સૌથી મોટી બેન્ક ભારતીય સ્ટેટ બેન્ક 1 નવેમ્બરથી નવી સુવિધા શરૂ કરવા જઈ રહી છે. હવે પેન્શન ઘર બેઠે વીડિયો કોલ દ્વારા એસબીઆઈમાં પોતાના લાઈફ સર્ટિફિકેટ એટલે કે જીવન પ્રમાણ પત્ર સબમિટ કરી શકશે. લાઈફ સર્ટિફિકેટ પેન્શનધારકના જીવીત હોવાનું પ્રમાણ હોય છે. પેન્શન ચાલુ રાખવા માટે તેને દર વર્ષે તે બેન્ક, પોસ્ટ અથવા નાણાકીય સંસ્થાનમાં જમા કરવાનું રહેશે. જ્યાં પેન્શન આવે છે.