દર મહિનાની પહેલી તારીખે અમુક નવા નિયમો લાગુ થાય છે અથવા તો જુના નિયમોમાં કંઈક ફેરફાર થતા હોય છે.
1ડિસેમ્બરથી બદલાઈ જશે આ નિયમો
જેની તમારા ખિસ્સા પર પડશે સીધી અસર
તમારે આ નિયમો જાણી લેવા ખૂબ જ જરૂરી
1 ડિસેમ્બર એટલે કે કાલથી ઘણા નિયમોમાં ફેરફાર થવાનો છે. આ ફેરફારમાં LPG રસોઈ ગેસ સિલિન્ડરના ભાવ, હોમ લોન ઓફર, SBI ક્રેડિટ કાર્ડ ઓફર, આધાર-UAN લિંકિંગ વગેરેનો સમાવેશ થાય છે. જણાવી દઈએ કે દરેક મહિનાની પહેલી તારીખે અમુક નવા નિયમો લાગુ થઈ જાય છે અથવા તો જુના નિયમોમાં કંઈક ફેરફાર સાથે લાગુ થાય છે.
UAN- આધાર લિંક
જો તમે નોકરી કરો છો અને તમારૂ યુનિવર્સલ એકાઉન્ટ નંબર (UAN) છે તો તેને 30 નવેમ્બર સુધી આધાર નંબરથી લિંક કરી દો. 1 ડિસેમ્બર 2021થી કંપનીઓને ફક્ત એજ કર્મચારીઓના ECR ફાઈલ કરવા માટે કહેવામાં આવ્યું છે. જેનું UAN અને Aadhar linking વેરિફાઈ થઈ ચુક્યા છે. જે કર્મચારીઓ કાલ સુધી આ લિંક ફાઈલ નહીં કરી શકે તે ECR પણ ફાઈલ નહીં કરી શકે.
હોમ લોન ઓફર
ફેસ્ટિવ સીઝન વખતે મોટાભાગની બેન્ક હોમ લોનની અલગ અલગ ઓફર આપે છે જેમાં પ્રોસેસિંગ ફીમાં માફી અને ઓછા વ્યાજદર વગેરે શામેલ છે. મોટાભાગની બેન્કોની ઓફર 31 ડિસેમ્બરે પૂર્ણ થઈ જાય છે પરંતુ LIC હાઉસિંગ ફાઈનાન્સની ઓફર 30 નવેમ્બર સુધી ખતમ થઈ રહી છે.
SBI ક્રેડિટ કાર્ડ
જો તમે SBI ક્રેકિટ કાર્ડનો ઉપયોગ કરી રહ્યા છો તો 1 ડિસેમ્બરથી SBIના ક્રેડિટ કાર્ડથી EMI પર શોપિંગ મોંઘી થઈ જશે SBI કાર્ડનો ઉપયો કરવા પર હાલ ફક્ત વ્યાજ આપવાનું રહેશે. પરંતુ 1 ડિસેમ્બરથી પ્રોસેસિંગ ફી પણ આપવાની રહેશે.
ગેસ સિલિન્ડરના ભાવ
દર મહિનાની પહેલી તારીખે ગેસ સિલિન્ડરના ભાવ નક્કી કરવામાં આવે છે. મહિનાની પહેલી તારીખે કોમર્શિયલ અને ઘરેલુ સિલિન્ડરોના નવા ભાવ જાહેર કરવામાં આવે છે. 1 ડિસેમ્બરના સવારે નવા રેટ જાહેર કરવામાં આવશે.
લાઈફ સર્ટિફિકેટ
જો તમે પણ પેન્શનર્સની કેટેગરીમાં આવો છો તો તમારી પાસે 2 દિવસનો સમય છે. પેન્શનર્સ આજે અથવા આ બે દિવસોમાં પોતાના લાઈફ સર્ટિફિકેટ જમા કરાવી દે. નહીં તો 1 ડિસેમ્બરથી તમને પેન્શન મળવાનું બંધ થઈ જશે.