ઘણા લોકોને ઘર સિફ્ટ કરવાના કારણે આધાર કાર્ડમાં સરનામુ બદલાવી પડે છે. પરંતુ ધક્કા ખાવાની આળસમાં તે કામ પાછળ ધકેલાતું રહે છે.
ઘરે બેઠા આ રીતે અપડેટ કરો આધાર કાર્ડ
સરનામુ બદલવા માટે કરવું પડશે ફક્ત આટલું કામ
ઘરે બેઠા ફટાફટ પતી જશે કામ
આધાર કાર્ડ હાલ દરેક ભારતીય નાગરીકની ઓળખ બની ગયું છે. તેની વગર કોઈ પણ કામ અટકી શકે છે. આધાર કાર્ડમાં કોઈ અપડેટ કરવા માટે તમારે આધાર કાર્ડ કેન્દ્ર સુધી ધક્કા ખાવાની જરૂર પડે છે. એવામાં જો તમારા આધાર કાર્ડમાં એડ્રેસમાં ફેરફાર કરાવવો છે તો તેના માટે આધાર કેન્દ્ર સુધી ધક્કો ખાવાની જરૂર નથી ઘરે બેઠા તમે તેને સરળતાથી અપડેટ કરાવી શકો છો તેના માટે તમારે આધાર કાર્ડની વેબસાઈટ પર જવાનું રહેશે.
તમારા આધાર કાર્ડમાં એડ્રેસ બદલવા માટે સૌથી પહેલા તમારે આધાર કાર્ડની સત્તાવાર વેબસાઇટ https://uidai.gov.in/ પર જવું પડશે.
આ પછી, તમારે અહીં 'My Aadhaar' પર જઈને 'Update My Aadhaar' પર ક્લિક કરવાનું રહેશે.
હવે તમારે Aadhaar Card Number અને Mobile Number નાખવો પડશે, ત્યારબાદ મોબાઈલ પર આવેલ OTP ભરો. પછી તમને એક નવી લિંક મળશે, જેના પર ક્લિક કરો.
હવે તે વિકલ્પની પસંદી કરો જેને તમે અપડેટ કરવા માંગો છો. ઉદાહરણ તરીકે જો તમે સરનામું અપડેટ કરવા માંગો છો તો પછી સરનામાં સાથેના વિકલ્પ પર ક્લિક કરો. આ પછી એડ્રેસ પ્રૂફ (Address proof) ડોક્યુમેન્ટ જોડીને કેપ્ચા કોડ (Captcha code) દાખલ કરો.
હવે 'Send OTP' વિકલ્પ પર ક્લિક કરો. પછી છેલ્લે તમને 50 રૂપિયાનું ઓનલાઈન પેમેન્ટ કરવાનું કહેશે તેને ભરો. આમ કરવાથી તમારું સરનામું તમારા આધાર કાર્ડ પર અપડેટ થઈ જશે.