New Pension Rule / પારિવારિક પેન્શન પર બદલાઈ ગયા નિયમો, સરકારે લોકોનો ભ્રમ દૂર કરવા આપી સ્પષ્ટતા

• સરકારે ફેમીલી પેન્સનના નિયમોમાં કર્યા સુધારા
• એક વ્યક્તિને બે પેન્સનના મુદ્દા પર લેવાયો નિર્ણય   
• હવે કેન્દ્રિય સિવિલ સેવા (પેન્શન) એક્ટ, 2021 લાગુ

વિભાગે કરી સ્પષ્ટતા

પેન્શન અને પેન્શનર્સ કલ્યાણ વિભાગે એક આવેદનમાં જણાવ્યું છે કે એક જ કર્મચારી/પેન્શનરના સંદર્ભમાં બે અલગ અલગ સ્ત્રોતોમાંથી ફેમિલી પેન્શનની લાયકાત અંગે સ્પષ્ટતા માગતી અરજીઓ મળી હતી. ઉદાહરણ તરીકે, આર્મીમાં સૈનિકો દ્વારા અપાતી સેવા અને આર્મીમાંથી નિવૃત્તિ બાદ સિવિલ સર્વિસ અથવા સ્વાયત્ત સંસ્થા અને સિવિલ ગવર્નમેન્ટ ડિપાર્ટમેન્ટમાં આપવામાં આવતી તેમની સેવાના સંબંધમાં. વિભાગે ૨૩ મેના રોજ સ્પષ્ટતા જારી કરી હતી. 

પેન્શનમાં આ સુધારા થયા 
કેન્દ્રિય સિવિલ સેવા (પેન્શન) એક્ટ, 1972 હવે કેન્દ્રિય સિવિલ સેવા (પેન્શન) એક્ટ, 2021 દ્વારા લાગુ કરવામાં આવ્યો છે. તેને 20 ડિસેમ્બર 2021ના રોજ સૂચિત કરવામાં આવ્યો હતો. આ કાયદાની કલમ 50 ફેમિલી પેન્શન સાથે સંબંધિત છે. તે બે જુદા જુદા સ્રોતોમાંથી ફેમિલી પેન્શન પર કોઈ પ્રતિબંધ લાવતો નથી. આ અંગે પેન્શન વિભાગે સ્પષ્ટતા કરી. સરકારે સ્પષ્ટતા કરી છે કે કેન્દ્રિય સિવિલ સેવા  (પેન્શન) નિયમ 2021માં સરકારી કર્મચારી / પેન્શનરના સંદર્ભમાં પરિવારના સભ્યને બે જુદા જુદા સ્ત્રોતોથી ફેમિલી પેન્શન આપવા પર પ્રતિબંધ નથી. 
પરંતુ બે જુદા જુદા પેન્શનરોના મૃત્યુ પછી પરિવારના એક સભ્યને બે ફેમિલી પેન્શનની પાત્રતા મર્યાદિત રહેશે. એટલે કે જો પતિ-પત્ની બંને પેન્શનર હોય અને તેમાંથી એકનું મૃત્યુ થાય તો બાકીના અડધા પેન્શનના લાભ પહેલા જેવા નહીં મળે.

આગાઉ આ ફેરફારો થયા હતા 
અગાઉ કેન્દ્રિય સિવિલ સેવા નિયમ-1972, 27 ડિસેમ્બર 2012ના રોજ સુધારવામાં આવ્યા હતા. નિયમ 54ના પેટા નિયમ 13A માં મિલિટરી પેન્શનરને ફેમિલી પેન્શન આપવા પર પ્રતિબંધ મૂકવામાં આવ્યો હતો. જો લશ્કરી પેન્શનરે તેની લશ્કરી સેવા માટે ફેમિલી પેન્શનનો વિકલ્પ પસંદ કર્યો હોય, તો આ પ્રતિબંધ તેને લાગુ પડ્યો હોત. એ જ રીતે, નિયમ 54 ના પેટાનિયમ 13-B માં પહેલેથી જ ફેમિલી પેન્શન મેળવતી વ્યક્તિને બે કૌટુંબિક પેન્શન આપવા પર પ્રતિબંધ મૂકવામાં આવ્યો હતો. ભલે તેને કેન્દ્ર કે રાજ્ય સરકારોના અન્ય કોઈ નિયમ હેઠળ પેન્શન મળવાપાત્ર હોય