આદત / શું તમને પણ છે આંગળીઓના ટચાકા ફોડવાની આદત, કરે છે આ મોટું નુકસાન

• ટચાકા ફોડવાથી થાય છે નુકસાન
• આજથી જ બદલી લો તમારી આ 1 આદત
• હાડકા પર થાય છે તેની ગંભીર અસર

આવી રીતે કરે છે અસર

જ્યારે તમે અજાણતા વારેઘડી ટચાકા ફોડો છો ત્યારે તે થોડા સમય બાદ ગંભીર બીમારીનું રૂપ લઈ શકે છે. તે સ્વાસ્થ્ય પર તો ખરાબ અસર કરે છે પણ સાથે તે હાડકા પર પણ ખરાબ અસર કરે છે. તેનાથી કામ કરવાની ક્ષમતા ઘટી જાય છે.

આવી રીતે કરે છે સ્નાયુઓને નુકસાન

તમારી આંગળીઓ અને ઘૂંટણની વચ્ચે એક ખાસ લિક્વિડ હોય છે. આ સિનોવિલ ફ્લુઇડ ગ્રીસની જેમ કામ કરે છે. આ લિક્વિડના કારણે આંગળીના હાડકા એકમેક સાથે ઘસાતા નથી. તેમાં ગેસ જેવા કાર્બન ડાયોક્સાઈડ નવી જગ્યા બને છે. જે ગેસના પરપોટા બનાવે છે અને ટચાકા ફોડતી સમયે આ પરપોટા ફૂટે છે જેના કારણે અવાજ પણ આવે છે. 

એક રિપોર્ટ અનુસાર વારંવાર ટચાકા ફોડવાથી આંગળીના સાંધામાં રહેલું લિક્વિડ ધીરે ધીરે ખતમ થઈ જાય છે. જો આવું થાય તો તમને ગાંઠ પણ થઈ શકે છે. આ તમામ મુસીબતોને આમંત્રિત કરવા કરતાં સારું છે કે તમે તમારી ટચાકા ફોડવાની આદતને જ બદલી લો.