અહેવાલની અસર / અમદાવાદ એરપોર્ટ પર પાર્કિંગના મિનિમમ સમયમાં થયો ફેરફાર, 5થી વધારી 10 મિનિટ કરાયો

• અમદાવાદ એરપોર્ટ પર પાર્કિંગ માટે મિનિમમ સમયમાં ફેરફાર 
• પાર્કિંગ માટે મિનિમમ સમય ફરીથી 10 મીનિટ કરાયો
• મિનિમમ સમય 10 મિનિટથી ઘટાડી કર્યો હતો 5 મિનિટ 

અમદાવાદ એરપોર્ટ પર અદાણી ગ્રૂપ દ્વારા પાર્કિંગ માટે મિનિમમ સમયમાં ફેરફાર કરી દેવાયો છે. પાર્કિંગ ચાર્જને લઈ VTV સતત લોકોની સમસ્યાને વાચા આપી રહ્યું હતું. ત્યારે અમદાવાદ એયરપોર્ટ પર પાર્કિંગ માટે મિનિમમ સમય ફરીથી 10 મીનિટ કરાયો છે. અદાણી કંપનીએ પાર્કિંગ માટેનો મિનિમમ સમય 10 મિનિટથી ઘટાડી 5 મિનિટ કર્યો હતો. આ ચાર્જ એરપોર્ટના પાર્કિંગનો નહીં. પરંતુ ડ્રોપ એન્ડ પીકઅપ કરવા માટે આવતી ગાડીઓના પાર્કિંગનો સમય છે.

અમદાવાદ સરદાર પટેલ ઈન્ટરનેશનલ એરપોર્ટ પર પાર્કિંગના કારણે મુસાફરોની મુશ્કેલીમાં વધારો થયો છે. અદાણી ગ્રૂપ દ્વારા હાલમાં એરપોર્ટનું મેનેજમેન્ટ કરવામાં આવી રહ્યું છે. ત્યારે પાર્કિંગના ચાર્જમાં એકાએક મોટા વધારાના કારણે લોકોની મુશ્કેલી વધી છે. એરપોર્ટ મેનેજમેન્ટ દ્વારા પાર્કિંગનો ચાર્જ 150 રૂપિયા કરી દેવાયો છે. 30 મિનિટથી વધુ સમય થશે તો, 150 રૂપિયા ચાર્જ ચૂકવવો પડશે. આ કારણે ટેક્સી અને ઓટોરિક્ષાના ચાલકોએ અંદર આવવાનું ટાળ્યું છે. 

અમદાવાદ એરપોર્ટ પર પાર્કિંગ ચાર્જમાં વધારો કરાતા હવે ખાનગી વાહન ચાલકો પણ અંદર જવા માગતા નથી. કારણે કે, ફ્લાઈટ્સના સિડ્યુલ પ્રમાણે જો કોઈ વાહન ચાલકને 30 મિનિટ પ્રમાણે વધારે સમય લાગ્યો તો, 150 રૂપિયા ચૂકવવા પડશે. આ સાથે જો કોઈ પર્સનલ વ્હિકલ પણ એરપોર્ટ પર 5 મિનિટથી વધારે સમય લેશે તો, તેમને પણ 90 રૂપિયાનો ચાર્જ ચૂકવવો પડતો હતો. જેના મિનિમમ સમયમાં 5 મિનિટની જગ્યાએ 10 મિનિટનો સમય કરાયો છે.

નવા ચાર્જ લાગ્યા પછી પ્લેનમાંથી ઉતરી મુસાફરો પગપાળા જોવા મળ્યા

આ કારણે એરોપ્લેનની મુસાફરી કર્યા પછી લોકોને ચાલીને એન્ટ્રી પોઈન્ટની બહાર સુધી જવું પડી રહ્યું છે. કારણ કે, ખાનગી વાહન ચાલકો વધારે ચાર્જ હોવાના કારણે અંદર એન્ટ્રી જ કરતા નથી. સામાન્ય રીતે જેટલો ચાર્જ વસૂલવામાં આવે છે. તેટલા ચાર્જમાં વાહન ચાલકો મુસાફરોને ઘર સુધી ડ્રોપ પણ કરી આવતા હોય છે.