ઓડિશામાં ફેણી વાવાઝોડાની અસર જોવા મળી રહી છે. ફેણી વાવાઝોડાના કારણે ગુજરાત પર કોઈ આડ અસર જોવા મળી નથી. પરંતુ ગુજરાતના વાતાવરણમાં અચાનક પલટો આવ્યો છે. કચ્છના નખત્રાણા પથંકમાં વાતાવરણમાં પલટો થયો છે જ્યારે અમરેલીના કોસ્ટલ બેલ્ટ ગામોમાં અચાનક ભારે પવન ફૂંકાયો હતો.
કચ્છમાં નખત્રાણા પંથકના વાતાવરણમાં અચાનક પલટો આવ્યો છે. પવન સાથે કમોસમી વરસાદ પડ્યો છે. મળતી માહિતી મુજબ નખત્રાણા અને આસપાસના ગ્રામ્ય વિસ્તારમાં કરા સાથે વરસાદ ખાબક્યો છે.
મહુવાથી રાજૂલાના હિંડોરણા સુધી ઉડી ધુળની ડમરીયો
અમરેલીમાં કોસ્ટલ બેલ્ટના ગામોમાં અચાનક ભારે પવન ફૂંકાયો હતો. મહુવાથી રાજૂલાના હિંડોરણા સુધી ધૂળની ડમરીઓ ઉડી હતી. નેશનલ હાઇવે પર ધૂળની ડમરીઓ ઉડતા વિઝિબિલિટી શૂન્ય થઇ ગઇ હતી. જેના કારણે લોકોએ વાહનોને સાઇડમાં પાર્ક કરવા પડ્યા હતા. અચાનક કોસ્ટલ બેલ્ટના ગામોમાં પવન ફૂંકાતા લોકો ચિંતાતૂર બન્યા છે.
બંગાળની ખાડીમાં હવાના હળવા દબાણમાંથી પ્રચંડ વાવાઝોડાનું સ્વરૂપ
ઓડિશામાં ફેણી વાવાઝોડાની અસર જોવા મળી રહી છે. ફેણી વાવાઝોડાના કારણે ગુજરાત પર કોઈ આડ અસર જોવા મળી નથી. પરંતુ ગુજરાતના વાતાવરણમાં અચાનક પલટો આવ્યો છે. જોકે વાવાઝોડાના કારણે ગુજરાતની જનતાને ગરમીથી રાહત મળી છે. વાવાઝોડાના કારણે ગુજરાતના તાપમાનમાં ઘટાડો નોંધાયો છે. આગામી 5 દિવસ સુધી અમદાવાદમાં યલો એલર્ટ રહેશે.
સૌરાષ્ટ્ર, બનાસકાંઠા, સાબરકાંઠા, કચ્છમાં ગરમીનું પ્રમાણ સામાન્ય રહેવાની હવામાન વિભાગે આગાહી કરી છે. જ્યારે 5 દિવસ બાદ રાજ્યના તાપમાનમાં વધારો થશે. ફેણી વાવાઝોડા પર હવામાન વિભાગે પ્રતિક્રિયા આપી છે કે, ફેણી વાવાઝોડાની ઓડિશામાં અસર જોવા મળી નથી. ચક્રવાતની ગુજરાત પર આડ અસર નથી.