ચંદ્રયાન મિશન / વિક્રમ લેન્ડરની શોધમાં ISRO સાથે નાસા પણ જોડાયું, સંપર્કની આશા વધી

• વિક્રમ લેન્ડર સાથે સંપર્ક કરવામાં નાસાની મદદ 
• અમેરિકી અંતરિક્ષ એજન્સી વિક્રમ લેન્ડરને રેડિયો સિગ્નલ મોકલી રહી છે
• નાસાની વિક્રમ લેન્ડરની લેન્ડિંગ સાઇટની તસવીરો લેવાની કોશિશ

વિક્રમ લેન્ડર સાથે સંપર્કની આશા વધી

ચંદ્રની સપાટી પર વિક્રમના લેન્ડિંગ બાદથી અત્યાર સુધી 6 દિવસ પસાર થઇ ચૂક્યા છે. જોકે, અત્યાર સુધી વિક્રમથી સંપર્ક થઇ શક્યો નથી. હવે વિક્રમ લેન્ડર સાથે સંપર્ક કરવામાં નાસા પણ ઇસરોની મદદ કરી રહ્યું છે. ઇસરોના એક અધિકારી મુજબ, અમેરિકી અંતરિક્ષ એજન્સી નેશનલ એરોનોટિક્સ એન્ડ સ્પેસ એડમિનિસ્ટ્રેશન (નાસા)ની જેટ પ્રોપલ્શન લેબોરેટરી (JPL) વિક્રમને રેડિયો સિગ્નલ મોકલી રહી છે. 

નાસાના મૂન ઓર્બિટરની વિક્રમ લેન્ડરની તસવીર લેવાની કોશિશ

નાસા પોતાના મૂન ઓર્બિટરની મદદથી વિક્રમ લેન્ડરની લેન્ડિંગ સાઇટની તસવીર લેવાની કોશિશ કરી રહ્યું છે. અમેરિકી સમાચાર ન્યૂયોર્ક ટાઇમ્સે નાસાના એક પ્રવક્તાના હવાલાથી બતાવ્યું કે, નાસા ચંદ્રયાન-2ની ઉડાન ભરતા પહેલા અને બાદની તસવીરને ઇસરો સાથે શેયર કરશે. સાથે જ નાસા ચંદ્રયાન-2ના વિક્રમ લેન્ડરની લેન્ડિંગ સાઇટની આસપાસની તસવીર લેવાની કોશિશ કરી રહ્યું છે અને તેને ઇસરો (ISRO) સાથે શેયર કરશે. 

વિક્રમ લેન્ડર સાથે 20-21 સપ્ટેમ્બર સુધી સંપર્કની કોશિશ કરાશે

સમાચાર એજન્સી આઇએએનએસે ઇસરોના એક અધિકારીના હવાલાથી બતાવ્યું કે લેન્ડર વિક્રમ સાથે ફરી સંપર્ક સ્થાપિત કરવાના પ્રયાસ કરાઇ રહ્યા છે. આ પ્રયાસ ત્યારે કરવામાં આવશે, જ્યારે સુર્યની રોશની એ ક્ષેત્રમાં હશે, જ્યાં વિક્રમ ઉતર્યું છે. એનો અર્થ એ થયો કે લેન્ડર વિક્રમ સાથે સંપર્ક કરવાની કોશિશ 20-21 સપ્ટેમ્બર સુધી જ કરાશે.