આ ISROની રોકેટ વુમન છે, જેમણે ચંદ્ર પર ભારતની કામયાબીના સપનાને સાચુ કર્યું છે. ભારતના આ સપના માટે બંને મહિલાઓએ રાત-દિવસ એક કરી દીધા છે. જેમાં પહેલી મહિલાનું નામ છે મુથય્યા વનીથા જે મિશનની પ્રોજેક્ટ ડાયરેક્ટર છે. જ્યારે બીજી મહિલા રિતુ કરિધલ છે, જે ચંદ્રયાન-2ની મિશન ડાયરેક્ટર છે.
મુથય્યા વનીથા સેટેલાઇટ કમ્યુનિકેસનની એકસપર્ટ છે. તેઓ ચંદ્રયાન-2 મિશન અગાઉ ભારતના પહેલા રિમોન્ટ સેંસિંગ સેટેલાઇટ પ્રોજેક્ટ Cartosat 1 અને Oceansat-2 પ્રોજેક્ટની ડેપ્યુટી પ્રોજેક્ટ ડાયરેકટર રહી ચૂક્યાં છે.
વનિથા છેલ્લા 32 વર્ષથી ISRO સાથે જોડાયેલા છે. તેઓ મંગલયાન મિશન સાથે પણ જોડાયેલા રહ્યાં છે. મુથાયા વિનિતાએ ઇસરોમાં પોતાના કામથી અલગ ઓળખ બનાવી છે. ચંદ્રયાન-2 મિશનમાં તેઓ પ્રથમ મહિલા પ્રોજેક્ટ ડાયરેકટર બની.
ઇલેકટ્રોનિક સિસ્ટમ એન્જીનિયર મુથાયાએ આ અગાઉ પહેલા રિમોટ સેંસિંગ સેટેલાઇટ દ્વારા ડેટા ઓપરેશન્સમાં મહત્વપૂર્ણ કામ કર્યું હતું.
જ્યારે ચંદ્રયાન-2 મિશનના ડાયરેકટર રિતુ કરિધલ મંગલયાન મિશનના ડેપ્યુટી ઓપરેશન્સ ડાયેરકટર પણ હતા. તેમણે ચંદ્રયાન-2ના સફળ પ્રક્ષેપણ સમયે વખતે કહ્યું હતું કે એવું કહેવામાં આવે છે કે 'Men are from mars and women are from venus (પુરૂષ મંગળ ગ્રહથી આવે છે અને મહિલા શુક્ર ગ્રહ પરથી આવે છે) પરંતુ મંગળ અભિયાનની સફળતા બાદ ઘણા લોકો મહિલાઓને 'મંગળ ની મહિલા' કહેવા લાગ્યા છે.
1997થી ઇસરો સાથે કામ કરી રહેલા રિતુ કરિધલને 2007માં પૂર્વ રાષ્ટ્રપતિ એપીજે અબ્દુલ કલામ દ્વારા ઇસરોના પ્રતિષ્ઠિત યંગ સાયન્ટિસ્ટનો એવોર્ડ મળી ચૂક્યો છે.
આ બે એવા નામ છે જેઓનું મિશન કાર્યવાહીમાં આગળ પડતું કામ છે, પરંતુ આ સિવાય પણ ચંદ્રયાન 2 મિશનમાં મોટી સંખ્યામાં મહિલાઓનું યોગદાન રહ્યું છે. આ મિશનમાં સામેલ 30 ટકા મહિલાઓએ પણ સફળ થવામાં દિવસ-રાત મહેનત કરી છે.