ચંદ્રયાન 2 / વિક્રમ લૅન્ડરને લઈને NASA તરફથી પણ આવ્યાં ખરાબ સમાચાર, જાણો શું કહ્યું?

• NASA તરફથી વિક્રમ લેન્ડરને લઇને આવ્યાં ખરાબ સમાચાર
• LRO ન લઇ શક્યું વિક્રમ લેન્ડરનો ફોટો, પહોંચની બહાર જણાવ્યું
• ઓર્બિટરે મોકલેલા ફોટાઓને વિશ્લેષણ બાદ સાર્વજનિક કરાશે

વિક્રમ લૅન્ડરને લઇને NASA તરફથી આવ્યાં ખરાબ સમાચાર

ISRO દ્વારા વિક્રમ લેન્ડર દ્વારા સંપર્ક કરવાનો પ્રયત્ન કરી રહ્યું છે ત્યારે NASA તરફથી ખરાબ સમાચાર આવી રહ્યાં છે. ભારતીયોને આશા હતી કે નાસા તરફથી લેન્ડર વિક્રમનો એક વધુ ફોટો જોવા મળશે પરંતુ અમેરિકી અંતરિક્ષ એજન્સીએ જણાવ્યું છે કે  વિક્રમ લેન્ડર તેમના આર્બિટરમાં લાગેલા કેમેરાની પહોંચથી બહાર છે.

NASAનું ઓર્બિટર જ્યારે એ જગ્યા પરથી થયું પસાર...

નાસાનું લૂનર રિકૉસ્સેન્સ ઓર્બિટર (LRO) જે છેલ્લા 10 વર્ષથી ચંદ્રના ચક્કર લગાવી રહ્યું છે. તે મંગળવારે લેન્ડર વિક્રમ જ્યાં પડ્યું છે ત્યાંથી પસાર થયું હતું. નાસાના એક અધિકારીએ જણાવ્યું કે LROC લેન્ડિગ સાઇટની આજુબાજુના ફોટો પાડ્યાં છે, જો કે તેના પરથી લેન્ડરનું સાચુ સ્થાન ખબર પડતું નથી. બની શકે છે કે લેન્ડરનું સ્થાન કેમેરા ક્ષેત્રથી બહાર હોય

શું હતું ચંદ્રયાન-2 મિશન...

ચંદ્રયાન-2 ઇસરોનું બીજુ ચંદ્ર મિશન હતું. 7 સપ્ટેમ્બરના રોજ ચંદ્રની સપાટી પર સોફ્ટ લેન્ડિંગ કરતાં સમયે વિક્રમ લેન્ડરનો ISROના વૈજ્ઞાનિકો સાથે સંપર્ક તૂટી ગયો હતો. લેન્ડરની સાથે પ્રજ્ઞાન રોવરને મોકલવામાં આવ્યું હતું જે સપાટી પર ઉતરીને ત્યાં વાતાવરણ, ભૂકંપ, ખનિજ પદાર્થો  અંગેની જાણકારી એકઠ્ઠી કરવાનું હતું. 

ઓર્બિટેરે મોકલેલા ફોટાઓનું કરાશે વિશ્લેષણ

ચંદ્ર પર વિક્રમ લેન્ડર પરથી પસાર થયેલા ઓર્બિટરે લીધેલા ફોટોઓનું પરિણામ અને વિશ્લેષણ અને સમીક્ષા પછી સાર્વજનિક કરવામાં આવશે. હાલમાં ચંદ્ર પર તે જગ્યા પર રાત થવાની શરૂઆત થઇ ગઇ છે જ્યાં વિક્રમ લેન્ડરનું સોફ્ટ લેન્ડિંગ થવાનું હતું. LRO 17 સપ્ટેમ્બરે વિક્રમ લેન્ડિગની સાઇટ ઉપરથી ત્યારે પસાર થયું જ્યારે ત્યાં લગભગ રાત થઇ ગઇ હતી.