મિશન / અંતિમ ઘડીએ ચંદ્રયાન 2નું લૉન્ચિંગ રોકવાથી ISROના થઈ રહ્યાં છે વખાણ, જાણો કેમ?

 56 મિનિટ 24 સેકન્ડસ્ પહેલાં રોકી દેવાયું લોન્ચિગ

15 જૂલાઇએ રવાના થવાનું હતું પરંતુ છેલ્લી ઘડીએ આ મિશન અટક્યું હતું. રવિવારે મોડી રાત્રે 2.51 કલાકે લોન્ચ થવાનું હતું તે ચંદ્રયાનનું લોન્ચિંગ 56 મિનિટ 24 સેકન્ડસ્ પહેલાં રોકી દેવામાં આવ્યું હતું. આ લોન્ચિંગ ટેક્નિકલ ખામીને કારણે રોકી દેવામાં આવ્યું હોવાનું જાણવા મળ્યું છે. હવે ઈસરો આગામી તારીખ ટૂંક સમયમાં જાહેર કરશે તેવી જાહેરાત પણ કરવામાં આવી છે.

સ્પેસ વૈજ્ઞાનિકોએ શું કહ્યુ ?

 ISRO ની આવડત અને સક્રિયતાની વૈજ્ઞાનિકો પણ પ્રશંસા કરી રહ્યા છે. સોમવારે, ઘણા અવકાશ વૈજ્ઞાનિકોએ કહ્યું હતું કે, ઉતાવળમાં મિશનને સંકટમાં મુકવા કરતા ભારતે પોતાના બીજા મિશન ચંદ્રયાન-2 ને અટકાવ્યું અને તેના માટે સ્પેસ એજન્સીની પ્રશંસા કરવી જોઈએ. આ મિશન અત્યાર સુધીમાં ઇસરોનું સૌથી જટિલ અને પ્રતિષ્ઠિત મિશન માનવામાં આવે છે.

ખામી અંગે સત્તાવાર કરાઇ જાહેરાત

A technical snag was observed in launch vehicle system at 1 hour before the launch. As a measure of abundant precaution, #Chandrayaan2 launch has been called off for today. Revised launch date will be announced later.

— ISRO (@isro) July 14, 2019

લોન્ચિંગ ટાળવાની સત્તાવાર જાહેરાત ISRO ના એસોસિયેટ ડાયરેક્ટર (પીઆર) બીઆર ગુરપ્રસાદે શ્રીહરિકોટામાં કહ્યું- લોન્ચ વ્હીકલ સિસ્ટમમાં 56 મિનિટ પહેલા એક ખામી હોવાનું ખુલ્યું હતું. જેના કારણે આ મિશનને અટકાવવામાં આવ્યું હતું. જો કે, તેમણે ખામી શું સર્જાઇ તે અંગે જણાવ્યું નહોતું.

શું છે ચંદ્રયાન-2 ની ખાસિયત

ચંદ્રયાન-2 મિશન હેઠળ ચંદ્રની સપાટી પર એક રોવરને ઉતારવામાં આવશે, જે અત્યાધુનિક ઉપકરણોથી સજ્જ હશે. રોવર ચંદ્રની માટીનું વિશ્લેષણક કરશે અને તેમાં મિનરલ્સ સાથે હિલિયમ-2 ગેસની સંભવાના પણ તપાસશે, જે ભવિષ્યમાં ઊર્જાનો સંભવિત સ્ત્રોત હોઈ શકે છે. 

ચંદ્રયાન-2 પર કુલ 14 પેલોડ હશે, જેમાં 13 ભારતના અને એક નાસાનો પેલોડ હશે. ઓર્બિટર પર 8, લેન્ડર પર 4 અને રોવર પર 2 પેલોડ હશે.અમેરિકી સ્પેસ એજન્સી નાસાનું એકમાત્ર પેલોડ લેન્ડર પર હશે.