Chandrayaan 2 Update : રાત્રિના લગભગ 2 વાગ્યે, ઈસરો સેન્ટર બેંગલુરુમાં પ્રધાનમંત્રી નરેન્દ્ર મોદી બેસીને ઐતિહાસિક ક્ષણની રાહ જોઈ રહ્યાં હતાં. વૈજ્ઞાનિકોની નજર પણ કમ્પ્યૂટર સ્ક્રીન્સ પર ચંદ્ર પરથી સંકેતોની રાહ જોઈ રહ્યાં હતાં. પરંતુ અચાનક એવું બન્યું કે વૈજ્ઞાનિકો સહિત સમગ્ર દેશમાં ચિંતા વધી ગઈ. કારણ કે ઘટના જ એવી બની હતી.
લૅન્ડર વિક્રમ સાથે ચંદ્રની સપાટીથી લગભગ 2.1 દૂર અંતિમ ક્ષણોમાં સંપર્ક અચાનક તૂટી ગયો. આ સંપર્ક એક વખત તૂટી ગયો અને સંપર્ક થવાની રાહ જોતા રહ્યાં. વૈજ્ઞાનિકોના ચહેરા ઉદાસ થઈ ગયાં.
આ એ ક્ષણ હતી જ્યારે ચંદ્રયાન મિશનના રોકેટ લૉન્ચરનો સૌથી આગળનો હિસ્સો વિક્રમ લૅન્ડર સૉફ્ટ લૅન્ડિંગ કરવા જઈ રહ્યું હતું. ત્યારે અચાનક દરેક જગ્યાએ સન્નાટો છવાઈ ગયો. ISRO ના મીડિયા સેન્ટરમાં પણ અસમંજસની સ્થિતિ બની ગઈ.
વૈજ્ઞાનિકોએ 2.15 વાગ્યા સુધી કોઈ સત્તાવાર નિવેદન આપ્યું ન હતું કે વિક્રમનું સૉફ્ટ લૅન્ડિંગ થયું છે કે નહીં. સૌ કોઈ સ્પેસ રિસર્ચ સૅન્ટરથી સારા સમાચારની રાહ જોઈ રહ્યું હતું. આ અંતિમ ક્ષણોમાં સૌ કોઈના ધબકારા થંભી ગયાં હતાં.
બાદમાં ઈસરોએ રાત્રે 2.18 મિનિટે કહ્યું કે આંકડાઓનો અભ્યાસ થઈ રહ્યો છે. ત્યાર બાદ ISRO એ જણાવ્યું હતું કે વિક્રમ લૅન્ડર સાથે સંપર્ક તૂટી ગયો છે અને ડેટાની તપાસ કરવામાં આવી રહી છે અને જાણવામાં આવશે કે કેવી રીતે સંપર્ક તૂટ્યો.
PM મોદી સહિત નેતાઓએ જુસ્સો વધાર્યો
ઉલ્લેખનીય છે કે PM મોદીએ ISRO ના મુખ્યાલયથી રવાના થતાં પહેલાં વૈજ્ઞાનિકોની પ્રસંશા કરી હતી. તેમણે કહ્યું હતું કે હિંમત રાખો હું અને દેશ તમારી સાથે છે. તમે જે સિદ્ધિ પ્રાપ્ત કરી છે તે કંઈ ઓછી નથી.
આ ઉપરાંત ગૃહમંત્રી અમિત શાહ અને રાહુલ ગાંધીએ પણ ઈસરોના વૈજ્ઞાનિકોની મહેનતને સલામ કરી હતી અને કહ્યું હતું કે અમને તમારા પર ગર્વ છે.
ISRO’s achievement with getting Chandrayaan-2 so far has made every Indian proud.
India stands with our committed and hard working scientists at @isro.
Congratulations to the team at #ISRO for their incredible work on the Chandrayaan 2 Moon Mission. Your passion & dedication is an inspiration to every Indian. Your work is not in vain. It has laid the foundation for many more path breaking & ambitious Indian space missions. 🇮🇳