ચંદ્રયાન-2 / અમેરિકાથી આવ્યા ગુડ ન્યૂઝ, લૅન્ડર વિક્રમને લઈને જાગી ફરી આશા

• અમારા ઓર્બિટરે તે જગ્યાની અનેક તસવીરો લીધી અને તેનું વિશ્લેષણ કરાશેઃ NASA
• આ વિસ્તારનો મોટા ભાગનો ભાગ તસવીરમાં કેદ થયો હશે

NASA એ એક પ્રોજેક્ટ સાયન્ટિસ્ટને હવાલાથી મીડિયાએ આ સમાચાર આપ્યાં છે. નાસાનાં લૂનર રિકૉનિસંસ ઑર્બિટર (LRO) અંતરિક્ષયાને ચંદ્રનાં સ્પર્શ કર્યા વગરનાં દક્ષિણી ધ્રુવ પાસે, ત્યાંથી પસાર થતા દરમ્યાન અનેક તસવીરો લીધી કે જ્યાંથી વિક્રમે ઉતરવાનો પ્રયાસ કર્યો હતો. એલઆરઓનાં ડેપ્યુટી પ્રૉજેક્ટ સાયન્ટિસ્ટ જૉન કૈલરે નાસાનું નિવેદન શેર કર્યુ કે જેમાં આ વાતની પુષ્ટિ કરવામાં આવી કે ઑર્બિટરનાં કેમેરાએ તસવીરો લીધી છે.

સીનેટ ડૉટ કૉમનાં એક નિવેદનમાં કૈલીને હવાલો આપતા જણાવ્યું કે, 'LRO ટીમ આ નવી તસવીરોનું વિશ્લેષણ કરશે અને પહેલાની તસવીરો સાથે તેની તુલના કરીને એ દેખશે કે શું લેન્ડર દેખાઇ રહ્યું છે. રિપોર્ટમાં કહેવામાં આવ્યું કે, નાસા આ તસવીરોનું વિશ્લેષણ, પ્રમાણીકરણ અને સમીક્ષા કરી રહ્યું છે. તે સમયે ચંદ્ર પર સાંજનો હતો અને જ્યારે ઓર્બિટર ત્યાંથી પસાર થયું હતું તેનો અર્થ એ થયો કે વિસ્તારનો મોટા ભાગનો ભાગ તસવીરમાં કેદ થયો હશે.

7 સપ્ટેમ્બરનાં રોજ તૂટ્યો હતો સંપર્ક
7 સપ્ટેમ્બરનાં રોજ ચંદ્રયાન-2 (Chandrayaan-2) નાં વિક્રમ મૉડ્યૂલનાં ચંદ્રમાની સપાટી પર સૉફ્ટ લેન્ડિંગ કરાવવાનો પ્રયાસ નક્કી કરાયેલી યોજના અનુસાર પૂર્ણ ન હોતું થઇ શક્યું. લેન્ડરની અંતિમ ક્ષણમાં જમીની કેન્દ્રો સાથે સંપર્ક તૂટી ગયો હતો. જો કે ચંદ્રયાન-2નું પણ ઓર્બિટર ચંદ્રની કક્ષામાં હાજર છે અને 7.5 વર્ષ સુધી પોતાનું કામ કરતુ રહેશે. નાસાનાં એક પ્રવક્તાએ આ પહેલા કહ્યું હતું કે, ઇસરોનાં વિશ્લેષણને સાબિત કરવા માટે અંતરિક્ષ એજન્સી ચંદ્રયાન-2 વિક્રમ લેન્ડરનાં લક્ષિત વિસ્તારની પ્રથમ અને બાદમાં લેવામાં આવેલી તસવીરોને શેર કરશે.