ચંદ્રયાન-2 / વિક્રમ લેન્ડરને શોધવાના NASAના નિવેદન પર ISRO ચીફ કે. સિવને કર્યો આ ખુલાસો

• વિક્રમ લેન્ડરને લઈને કે. સિવને કર્યો ખુલાસો
• વિક્રમ લેન્ડરના કાટમાળને ઈસરોએ શોધ્યો હતોઃ કે.સિવન
• અમે વેબસાઈટ પર પહેલાંથી જ આપી હતી જાણકારીઃ ઈસરો ચીફ

ઈસરોની સાઈટમાં થયેલો છે આ વાતનો ખુલાસો

ઇસરોએ પોતાની વેબસાઈટ પર 10 સપ્ટેમ્બરે જ જાણકારી અપડેટ કરી હતી. તેમાં લખ્યું છે કે ચંદ્રયાન-2ના લેન્ડર વિક્રમને શોધી કાઢવામાં આવ્યું છે. પરંતુ તેની સાથે સંપર્ક થઈ શક્યો નથી. સંચાર સ્થાપિત કરવા માટે દરેક સંભવિત પ્રયાસ કરવામાં આવી રહ્યા છે. 

બ્લૂ અને ગ્રીન ડોટ્સની મદદથી વિક્રમ લેન્ડના કાટમાળને ફોટોમાં દેખાડવામાં આવ્યો છે. નાસાએ કહ્યું કે તેઓએ 26 સપ્ટેમ્બરે ક્રેશ સાઈટનો ફોટો જાહેર કરવામાં આવ્યા હતા અને લોકોને વિક્રમ લેન્ડરના સંકેતોની શોધ કરવા માટે લાવવામાં આવ્યા હતા. ચેન્નઈના કમ્પ્યુટર પ્રોગ્રામર અને મિકેનિકલ એન્જિનિયર શનમુગ સુબ્રમણ્યને કાટમાળની સકારાત્મક ઓળખની સાથે એલઆરઓ યોજનાનો સંપર્ક કર્યો.

ત્યારબાદ એલઓઆરસીની ટીમે પહેલાં અને પછીની છબિની તુલના કરીને લેન્ડર સાઈટની ખરાઈ કરી. શનમુગાએ ક્રેશ સાઈટના ઉત્તર પશ્ચિમમાં લગભગ 750 મીટર દૂર કાટમાળની ઓળખ કરી. આ પહેલાં પણ મોજેકની સ્પષ્ટ ફોટો હતી. જેમાં કાટમાળ સ્પષ્ટ રીતે જોઈ શકાતો હતો. કાટમાળના 3 મોટા ટુકડા 2*2 પિક્સલના છે.