શું અમેરિકાના LROની 10 વર્ષ જૂની બેટરી ચંદ્રયાન-2ના ઓર્બિટરની ગુણવત્તાને ટક્કર આપી શકશે? ચંદ્રયાન-2ના ઓર્બિટરનું ઓપ્ટિકલ હાઈ રિઝોલ્યુશન કેમેરા (OHRC) આજની નવી ટેકનિકથી બન્યું છે?
ચંદ્રયાન -2ના ઓર્બિટરથી જૂની ટેકનિકથી કામ કરે છે LRO
3 મીટર ઊંચા વિક્રમનો ચોક્કસ ફોટો આપી શકશે કે કેમ?
LRO વિક્રમ લેન્ડરની ફોટો તો લેશે પરંતુ તેની ગેરેંટી નથી કે તે ફોટા સ્પષ્ટ હશેઃ NASA
વિક્રમ લેન્ડરની તરફથી નથી મળી રહ્યો જવાબ
ભારતીય અંતરિક્ષ એજન્સી ઈસરોના વૈજ્ઞાનિક હજુ પણ પોતાના અન્ય મૂન મિશન ચંદ્રયાન -2ના વિક્રમ લેન્ડરની સાથે સંપર્ક સાધવામાં લાગી ચૂક્યા છે. અમેરિકી અંતરિક્ષ એજન્સી નાસાએ પણ પોતાના ડીપ સ્પેસ નેટવર્કના ત્રણ સેન્ટર્સથી સતત ચંદ્રયાન -2ના ઓર્બિટર અને લેન્ડરથી સંપર્ક બનાવ્યા છે. આ ત્રણ સેન્ટર્સ છે- સ્પેનના મૈડ્રિડ, અમેરિકાના કેલિફોર્નિયાના ગોલ્ડસ્ટોન અને ઓસ્ટ્રેલિયાના કેનબરા. આ ત્રણેય જગ્યાઓ પર લાગેલા તાકાતવર એન્ટીના ચંદ્રયાન -2ના ઓર્બિટરથી સંપર્ક સાધી શકે છે. પરંતુ વિક્રમ લેન્ડરને મોકલેલા સંદેશાનો જવાબ આવી રહ્યો નથી.
ઓર્બિટર લઈ શકશે વિક્રમ લેન્ડરનો ફોટો?
ઈસરોની મદદથી આજે 17 સપ્ટેમ્બરે નાસા પોતાના લૂનર રિકોનસેંસ ઓર્બિટર (LRO)થી વિક્રમ લેન્ડરનો ફોટો લેશે. શું અમેરિકાની 10 વર્ષ જૂની ટેક્નોલોજી આ કામ કરી શકવા સક્ષમ છે? ચંદ્રયાન 2નું ઓર્બિટર ઓપ્ટિકલ હાઈ રિઝોલ્યુશન કેમેરા (OHRC) આજની નવી ટેકનિકથી બન્યું છે. ઈસરો હજુ સુધી વિક્રમ લેન્ડરનો ફોટો મેળવી શક્યું નથી.
LROથી વધારે તાકાતવર છે ઓર્બિટર, છતાં લેવી પડે છે મદદ
હાલમાં ચંદ્ર પર સાંજના 5 વાગ્યાની આસપાસનો સમય હશે અને આવનારા 3-4 દિવસમાં ત્યાં રાત થશે. એટલે કે 20-21 સપ્ટેમ્બરે ચંદ્રની આ જગ્યા પર અંધારું થશે જ્યાં વિક્રમ લેન્ડર છે. લૂનર રિકોનસેંસ ઓર્બિટર (LRO) વિક્રમ લેન્ડરના ફોટો 75 કિમીની ઉંચાઈથી ફોટો લેશે. ચંદ્રની કક્ષા પર 50 સેન્ટીમીટર સુધીની ઉંચાઈની વસ્તુના ફોટો લઈ શકે છે. પણ ચંદ્રયાન -2નું ઓર્બિટરનું ઓપ્ટિકલ હાઈ રિઝોલ્યુશન કેમેરા (OHRC) જમીનથી 30 સેન્ટીમીટર સુધીની ઉંચાઈની વસ્તુના હાઈ રિઝોલ્યુશન ફોટો લઈ શકે છે.
ઓર્બિટર તાકાતવર છે પણ આ ફોટો લઈ શકશે નહીં
વૈજ્ઞાનિકોનું માનવું છે કે ઈસરોના ઓર્બિટરના કેમેરાની તાકાત વધારે છે પરંતુ વૈજ્ઞાનિકો OHRCથી મળેલા ડેટાથી સોફ્ટ લેન્ડિંગની ઘટનાનું વિશ્લેષણ કરી શકતા નથી. આ માટે તેણે LROની મદદ લેવાની રહેશે. LRO પાસે જૂનો ડેટા પણ છે. તે એ બતાવી શકે છે કે વિક્રમ લેન્ડિંગની પહેલા અને પછી લેન્ડિંગ વાળા સ્થાને કેટલું બદલાયું છે. આ માટે LROની મદદ લેવામાં આવી રહી છે.
NASAના વૈજ્ઞાનિકોએ કહ્યું શક્ય છે ફોટો સ્પષ્ટ ન હોય
નાસાનું લૂનર રિકોનસેંસ ઓર્બિટર (LRO)ના પ્રોજેક્ટ સાયન્ટિસ્ટે કહ્યું કે LRO વિક્રમ લેન્ડરની ફોટો તો લેશે પરંતુ તેની ગેરેંટી નથી કે તે ફોટા સ્પષ્ટ હશે. સાંજે સૂર્યની રોશની પણ ઓછી હોય છે એવામાં ચંદ્રની કક્ષા પર કોઈ પણ વસ્તુ હોય તેનો ફોટો લેવો મુશ્કેલ બને છે. શક્ય છે કે આ ફોટો ઘૂંધળો હોય. તેમ છતાં જે પણ ફોટો મળશે તેને ઈસરોને મોકલવામાં આવશે.