ભીમ આર્મી ચીફ ચંદ્રશેખરે પોતાના નામથી 'રાવણ' શબ્દ હટાવ્યો લખનારાને આપી ચેતવણી

સહારનપુરમાં જાતીય સંઘર્ષ બાદ ચર્ચામાં આવેલા ભીમ આર્મી ચીફના પ્રમુખ દલિત નેતા ચંદ્રશેખરે જેલમાંથી બહાર આવ્યા બાદ પોતના નામ પાછળથી 'રાવણ' શબ્દને હટાવ્યો છે. ચંદ્રશેખરે કહ્યું કે મારા શબ્દની પાછળ 'રાવણ' શબ્દ લખનારા સામે કાયદાકીય કાર્યવાહી કરીશ. 

પશ્ચિમ ઉત્તર પ્રદેશમાં ભીમ આર્મી ચીફ ચંદ્રશેખર રાવણ નામથી વધુ ચર્ચિત છે અને આ જ નામથી તેઓ બધા વચ્ચે ખૂબ જ પ્રખ્યાત પણ થયા છે. બ્રાહ્મણવાદ સામે આ નામનો ઉપયોગ તેમણે દલિત આંદોલન દરમિયાન ખૂબ જ કર્યો. 

ઉલ્લેખનીય છે કે રાવણ શબ્દનો ઉપયોગ તેમના સમર્થકોએ વિદ્રોહના પ્રતિકરૂપે ચંદ્રશેખર સાથે જોડ્યો હતો.

તાજેતરમાં જ 16 મહિના બાદ ચંદ્રશેખર જેલથી બહાર આવ્યા છે એમને જેલની બહાર આવતા જ પોતાના નામની આગળથી 'રાવણ' શબ્દ હટાવી દીધો છે.

ચંદ્રશેખરના જણાવ્યા અનુસાર 'રાવણ' શબ્દ ક્યાંય એમના નામમાં નથી. સ્કૂલથી લઇને કોલેજ સુધીના સર્ટિફિકેટમાં માત્ર ચંદ્રશેખર નામ છે. આંદલન દરમિયાન સાથીઓએ એમાં 'આઝાદ' જોડ્યું તો ઠાકુરો અને બ્રાહ્મણવાદની વિરુદ્ધ લડાઇમાં પ્રતિક તરીકે 'રાવણ'  પણ જોડી દીધું.