અજીબ માગ / છોકરી પટતી નથી, મને ગર્લફ્રેન્ડ અપાવો : ધારાસભ્યને પત્ર લખીને યુવકે કરી માગ, જુઓ શું મળ્યો જવાબ

• મહારાષ્ટ્રના ચંદ્રપુર વિસ્તારના યુવાનની અજીબ માગ
• સ્થાનિક ધારાસભ્યને પત્ર લખીને કરી માગ
• મારાથી છોકરી પટતી નથી, પ્લીઝ મને ગર્લફ્રેન્ડ અપાવા મદદ કરો
• ધારાસભ્યે કહ્યું યુવાનની સમસ્યાનો ઉકેલ લવાશે 

સામાન્ય રીતે તો લોકો પોતાના વિસ્તારની કોઈ જાહેર કે અંગત સમસ્યા લઈને ધારાસભ્ય પાસે જતા હોય છે અને તેના ઉકેલની માગ કરતા હોય છે પરંતુ એક યુવાનની અજીબ માગ સાંભળીને ધારાસભ્યનું મગજ ફરી ગયું. 

ચંદ્રપુરમા રહેતા એક યુવાન ભૂષણ જામુવંતે તેના મતવિસ્તારના ધારાસભ્ય સુભાષ ઘોટેને એક પત્ર લખ્યો. પત્રમાં યુવાને લખ્યું કે મારાથી કોઈ છોકરી પટાતી નથી, પ્લીઝ મને ગર્લફ્રેન્ડ અપાવો. ભૂષણ જામુવંતનો પત્ર વાંચીને ધારાસભ્યનું મગજ ચકરાવે ચડ્યું. 

શું લખ્યું યુવાને પત્રમાં
ભૂષણ જામુંવતે પત્રમાં લખ્યું કે આખા તાલુકામાં છોકરીઓની ભરમાર છે પરંતુ કોઈ છોકરી મારી ગર્લફ્રેન્ડ થવા તૈયાર નથી. આ ચિંતાનો વિષય છે, મારો આત્મવિશ્વાસ નબળો પડી ગયો છે હું ગ્રામીણ વિસ્તાર રાજુરાથી ગડચાંદુર આવું છું તેમ છતાં પણ એક છોકરી પટતી નથી મારાથી. 

યુવાને લખ્યું કે દારુ વેચનાર તથા કદરુપા લાગતા લોકોને ગર્લફ્રેન્ડ જોઈને હું ઈર્ષાથી સળગી ઉઠું છું. મારી તમને વિનંતી છે તમારા વિધાનસભા મતવિસ્તારની છોકરીઓને પ્રોત્સાહન આપવું જોઈએ જેથી કરીને અમારી જેવા છોકરાઓને ભાવ મળે. 

ધારાસભ્યે આપ્યો જવાબ

ધારાસભ્ય સુભાષે થોટેએ જણાવ્યું કે હું ભૂષણ જામુંવતને ઓળખતો નથી પરંતુ મેં કાર્યકરોને તેમની શોધ કરવાનું જણાવ્યું છે. મળ્યા બાદ અમે યુવાનની મદદ કરીશું. જો યુવાન મળશે તો તેમને સમજાવીને મનાવીને તેની સમસ્યાનો ઉકેલ લાવવાની કોશિશ કરીશું.