ધર્મ / આ દિવસે થશે વર્ષ 2020નું પહેલું ચંદ્રગ્રહણ, જાણો સમય અને વાર

• વર્ષ 2020માં કુલ 6 ગ્રહણ
• આ વર્ષે 4 ચંદ્રગ્રહણ અને 2 સૂર્યગ્રહણ હશે
• વર્ષ 2020નું પહેલું ચંદ્રગ્રહણ 10 જાન્યુઆરીએ

વર્ષ 2020માં કુલ 6 ગ્રહણ હશે. જેમાંથી 4 ચંદ્રગ્રહણ અને 2 સૂર્યગ્રહણ હશે. વર્ષનું પહેલું ચંદ્રગ્રહણ 10 જાન્યુઆરી 2020ના રોજ લાગશે. ગ્રહણ રાતે 10.37 મિનિટે શરૂ થશે અને રાતે 2.42 મિનિટે પૂરું થશે. કુલ 4 કલાકનું ગ્રહણ રહેશે. આ ચંદ્રગ્રહણ ભારતમાં પણ જોઈ શકાશે. 

જાણો સૂતકનો સમય

ભારત સિવાય આ ગ્રહણ યૂરોપ, એશિયા, આફ્રિકા અને ઓસ્ટ્રેલિયાના મહાદ્વીપમાં જોઈ શકાશે. ગ્રહણનું સૂતક 12 કલાક પહેલાં શરૂ થાય છે. આ રીતે 10 જાન્યુઆરી સવારે 10 વાગ્યાથી આ સૂતક લાગશે. સૂતક લાગતાં જ દેશભરના મંદિરો બંધ કરી દેવામાં આવશે. 

જાણો અન્ય ગ્રહણ કઈ તારીખોએ આવશે

વર્ષમાં અન્ય ચંદ્રગ્રહણ 5 જૂન, 5 જુલાઈ અને 30 નવેમ્બરે આવશે. આ સમયે ચંદ્ર મિથુન રાશિમાં હશે. જ્યોતિષ અનુસાર જે રાશિ પર ગ્રહણ પડે છે એ રાશિના લોકો પર તેનો પ્રભાવ વધારે હોય છે. આ ચંદ્ર ગ્રહણમાં મિથુન રાશિના લોકોએ વિશેષ ધ્યાન રાખવાની જરૂર છે.