LOCAL BODY ELECTIONS 2021
Infogram

જૂનાગઢ / રાનુ મંડલને હિમેશ રેશમિયાની મદદ, તો ગુજરાતનાં ચંદ્રાબેનની વ્હારે પણ આવ્યા કલાકારો

Team VTV 08:00 PM, 26 Sep 19 | Updated: 09:41 PM, 26 Sep 19
Chandraben Parmar singing songs help by Gujarati singers in Junagadh

આપણે સામાન્યતઃ જીવનમાં જોતા હોઇએ છીએ કે ક્યારેક કુદરત લોકો પર એટલી મહેરબાન થઇ જાય છે કે ત્યારે આપણને પણ તે જોઇને જરૂરથી નસીબમાં વિશ્વાસ થવા લાગે. ત્યારે આવું જ નસીબ માણાવદરના કતકપરા ગામની એક મહિલા પર મહેરબાન થયું છે.

  • રાનુ મંડલ બાદ હવે માણાવદરની મહિલાએ સોશિયલ મીડિયામાં ધૂમ મચાવી
  • ભાવનગરનાં પોલીસ કોન્સ્ટેબલે ચંદ્રાબેનને અપાવી લોકપ્રિયતા
Chandraben Parmar
ચંદ્રાબેન પરમાર

સોશિયલ મીડિયામાં રાનુ મંડલ ચમક્યા બાદ હવે ગુજરાતની રાનુ મંડલનો વીડિયો પણ સામે આવ્યો છે. માણાવદરના કતકપરા ગામની મહિલાનો એક વીડિયો વાયરલ થયો છે. જે પોતાના સૂર રેલાવતા નજરે પડી રહ્યાં છે. મહીલા ભિક્ષા માંગીને પોતાની ગુજરાન ચલાવતા હતા. તે સમયે ભાવનગરનાં પોલીસ કોન્સ્ટેબલે ચંદ્રાબેન પરમારનો વીડિયો બનાવ્યો હતો. જે વીડિયોએ સોશિયલ મીડિયામાં ખૂબ ધૂમ મચાવી છે. તો આ તરફ ગાયક કલાકારો પણ ચંદ્રાબેનનાં સમર્થનમાં આવ્યાં છે. ગાયક કલાકાર કિર્તીદાન ગઢવી અને માયાભાઈ આહીરે ચંદ્રાબેનને ભાવનગરમાં પ્લેટફોર્મ પુરૂ પાડવાની જાહેરાત કરી છે.

ચંદ્રાબેનનાં સમર્થનમાં ઉતર્યા ગાયક કલાકારો

તાજેતરમાં માણાવદરના કતકપરા ગામની મહિલા ચંદ્રાબેન કે જે ભિંકધવૃત્તિ કરીને પોતાનું ગુજરાન ચલાવે છે અને સારા ગાયક છે. તેમનો વિડિયો વાયરલ થતાં હવે તેને મદદ કરવાને અર્થે મોટા કલાકારો પણ મેદાનમાં આવ્યાં છે. ચંદ્રાબેનનાં અવાજને પ્રોત્સાહન આપવા ગુજરાતી ગાયક કલાકારો પણ તેમનાં સમર્થનમાં ઉતર્યા છે. આજે ભાવનગર આવેલા કિર્તીદાન ગઢવી તેમજ માયાભાઇ આહીરે આ મહિલાને પ્લેટફોર્મ પૂરું પાડવાની ભાવનગરમાં જાહેરાત કરી છે.

Mayabhai Ahir
માયાભાઇ આહીર

ચંદ્રાબેન ઝૂંપડામાં રહે છે
જૂનાગઢનાં માણાવદર તાલુકાના કતકપરા ગામના ચંદ્રાબેન ગાતા ગાતા તેઓ ભાવનગર પહોંચ્યાં હતાં. કોકિલ કંઠ ધરાવતા ચંદ્રાબેન જરપાંજર ઝુંપડામાં રહે છે પણ તેઓ અનેક એવાં સારા સારા લોકગીતો અને ભજનો ગાઈને લોકોને ગુજરાતી સંગીતનાં રંગમાં રંગી નાંખે છે.

Kirtidan Gadhvi
કિર્તીદાન ગઢવી

કેવી રીતે કોકિલા આવી સામે?
ભાવનગર દિનેશભાઇ બોરીચા નામના પોલીસ જવાને ચંદ્રાનો અવાજ સાંભળ્યો અને તેનો વીડિયો બનાવ્યો હતો. અને બસ પછી શું ચંદ્રાના અવાજનો જાદૂ એવો તો ચાલ્યો કે જોત જોતામાં આ વીડિયો વાઈરલ થઈ ગયો. દિનેશભાઈનું કહેવું છે મને મારા મિત્ર શિવરાજસિંહ ઝાલાએ જાણ કરી હતી અને અમે તેમને લોકો સુધી પહોંચાડવા માટે કટીબધ્ધ થયા હતા.

 

ચંદ્રાબેન પહોંચ્યા લોક સ્ટુડિયો
આ અંગે લોક સ્ટુડીયો બોલાવીને ચંદ્રાબેનના સંગીતને સન્માન આપવામાં આવ્યું. તેમના સોરઠી અવાજને વધુ માંજવા માટે લોકસંગીત ગાયકીની ટ્રેનીંગ આપવા પણ કેટલાક લોકો કટીબધ્ધ થયા હતા. હાલમાં ચંદ્રા પરમાર ઘેરઘેર જાણીતા થઈ ગયા છે. 

દિવાળીબેન ભીલ સાથે સરખામણી
લોકો તેમની લોકસંગીત ગાવાની શૈલી અને અવાજને ગુજરાતના નાક દિવાળીબેન ભીલ સાથે સરખાવી રહ્યા છે. 

ચંદ્રાબેન પરમાર junagadh જૂનાગઢ gujarat mayabhai ahir kirtidan gadhvi કિર્તીદાન ગઢવી માયાભાઇ આહીર
Loading...

ટૉપ સ્ટોરીઝ

સૌથી વધુ વંચાયેલ

Loading...
બ્રેકિંગ ન્યૂઝ