નિવેદન / 2022 માં સાથ આપે તો 2024 માં PM બનાવી દઈશું, માયાવતીને કોણે આપી દોસ્તીની ઓફર

• આઝાદ સમાજ પાર્ટીના અધ્યક્ષ ચંદ્રશેખર આઝાદનું મોટું નિવેદન 
• 2022 માં માયાવતી સાથ આપે તો 2024 માં PM બનાવી દઈશું
• યુપીના 20 ટકા દલિત વોટમાંથી 17 ટકા વોટ અમારા છે-આઝાદ

આઝાદ સમાજ પાર્ટીના અધ્યક્ષ ચંદ્રશેખર આઝાદે બસપા ચીફ માયાવતીને દોસ્તીની ઓફર કરી છે. ચંદ્રશેખરે દાવો કર્યો કે માયાવતીને પીએમ બનાવવાની અમારામાં ક્ષમતા છે. યુપીના 20 ટકા દલિત વોટમાંથી 17 ટકા વોટ તેમની પાર્ટીને મળશે. 

માયાવતી કાશીરામનો રાજકીય વારસો, અમે સૈદ્ધાંતિક વારસો સંભાળી રહ્યા છીએ

‎રવિવારે એક ટીવી ચેનલના કાર્યક્રમમાં ભાગ લઈ રહેલા ચંદ્રશેખરે કહ્યું હતું કે માયાવતીએ મને સીધો નકારી કાઢ્યો છે. તેમની પાર્ટી પોતાનું કામ કરી રહી છે અને અમે અમારું પોતાનું કામ કરી રહ્યા છીએ. માયાવતી કાશીરામનો રાજકીય વારસો છે, તેથી અમે સૈદ્ધાંતિક વારસો સંભાળી રહ્યા છીએ. અમે કાશીરામના તમામ સિદ્ધાંતોનું પાલન કર્યું. બહેનજી હવે નિવૃત્ત થઈ ગયા છે‎.

માત્ર દલિતોનો નહીં દરેક ગરીબોનો નેતા 
‎ચંદ્રશેખર આઝાદે કહ્યું  ‎‎કે, 'હું માત્ર દલિતોનો જ નહીં પરંતુ દરેક ગરીબોનો નેતા છું'‎‎હું માત્ર દલિતોનો જ નહીં પરંતુ દેશના દરેક ગરીબ વ્યક્તિનો પણ નેતા છું. દરેક ગરીબ પોતાનામાં ચંદ્રશેખરને જુએ છે. હું ભાગીદાર બનવા માંગુ છું અને લોકોની ખુશી અને દુ:ખ માટે સહાનુભૂતિ રાખવા માગુ છું કારણ કે નેતાઓ છેતરપિંડી કરે છે. રાજકારણમાં 90 ટકા લોકો એવો વિચાર લઈને આવી રહ્યા છે કે તેમને પૈસા અને સત્તા મળશે જ્યારે અમે પરિવર્તનનો વિચાર લઈને આવ્યા છીએ. આઝાદીના 70 વર્ષ પછી પણ દલિતો હજી પણ ગટરમાં ઉતરી રહ્યા છે અને ગંદકીસાફ કરી રહ્યા છે અને દર વર્ષે ઘણા મૃત્યુ થાય છે.