ચંદ્રગ્રહણ પર મહાસંયોગ આ 6 રાશિને મળશે લાભ જાણો તમારી રાશિ પર શું થશે અસર

27 જુલાઈના રોજ મધ્યરાત્રિના સદિનું સૌથી મોટું ચંદ્રગ્રહણ થવા જઈ રહ્યું છે. ત્યારે જ્યોતિષ શાસ્ત્ર મુજબ મકર રાશિમાં લાગુ પડનાર આ ગ્રહણ તમારી રાશિ પર શું અસર કરશે તેમજ આ સમયે ચંદ્રમા સાથે મંગળ અને પાપ ગ્રહ કેતૂ પણ આ રાશિમાં હશે. આ સાથે જ ચંદ્ર પર સૂર્ય બૂધ તેમજ રાહૂની પણ નજર રહેશે. જેના કારણે આ મહાયોગની દરેક રાશિ પર સારી ખરાબ અસર પડશે. જાણો તમારી રાશિ પર શું અસર કરશે આ ગ્રહણ.

મેષ:
તમારી રાશિના 10માં ઘરમાં થનારા ચંદ્રગ્રહણ નોકરીમાં મુશ્કેલી સર્જી શકે છે. કાર્યક્ષેક્ષમાં સાવધાની રાખો. આરોગ્યનું ખાસ ધ્યાન રાખો. જોખમ ખડેતા પહેલા સૌ વખત વિચારો.

વૃષભ:
તમારી રાશિના 9માં ઘરમાં થનારું ચંદ્રગ્રહણ ભાગ્યને પ્રભાવિત કરશે. તમારા કામમાં સફળતા નજીક પહોંચી ગયા હોવા છતા બાધાઓનો સામનો કરવો પડી શકે છે. ચિંતાઓ વધશે. સંતાન સંબંધિત મુશ્કેલીઓ આવશે. ગુરુની સેવા કરો તો આ કપરા સમયમાં સહાયતા મળશે.

મિથુન:
આ રાશિના જાતકો માટે ચંદ્રગ્રહણ શુભ રહેશે. તમારી રાશિના 8માં સ્થાને થતું આ ગ્રહણ તમને સુખ અને આનંદ આપશે. તમારી ચિંતા અને મુશ્કેલીમાં ઘટાડો થશે. આરોગ્ય સારું રહેશે અને લાભના યોગ બનશે.

કર્ક:
ગ્રહણ દરમિયાન કર્ક રાશિના સપ્તમ ભાવમાં ચંદ્રમા રહેતો હોવાથી ભાગીદારીનો વેપાર કરતા લોકો માટે નુકસાન લઈ આવશે. તમારા જીવનસાથીને કષ્ટનો સામનો કરવો પડશે. આરોગ્ય અંગે ખાસ સાવધાની રાખો.

સિંહ:
આ રાશિના જાતકોના છઠ્ઠા ભાવમાં થતું આ ગ્રહણ આરોગ્ય માટે અનુકૂળ નથી. કોઇ વાતને લઇને મનમાં સતત વિચાર આવ્યા કરવાથી માનસિક શાંતિ નહી મળે.

કન્યા:
કન્યા રાશિના જાતકો માટે આ ચંદ્રગ્રહણ મુશ્કેલી અને ખર્ચ લઈ આવશે. ખાસ કરીને વિદ્યાર્થી વર્ગને મુશ્કેલીનો સામનો કરવો પડી શકે છે. આ રાશિના જાતકોએ પોતાનો વ્યવહાર સંયમિત રાખો નહીંતર માનહાનીનો ભોગ બનવું પડી શકે છે.

તુલા:
આ રાશિના જાતકો માટે વર્ષનું સૌથી મોટું ચંદ્રગ્રહણ શુભ રહેશે. તમામ પ્રયાસો સફળ થશે.  આનંદ અને ખુશીના સમાચાર મળી શકે છે.

વૃશ્ચિક:
આ રાશિના જાતકોના ત્રીજા ઘરમાં થનાર ચંદ્રગ્રહણ લાભના અનેક અવસર લઇને આવશે. અટવાયેલા તમામ કામ પૂરા થવાનો સંયોગ છે. આર્થિક મામલે પ્રગતિ થશે. 

ધન:
આ રાશિના જાતકોની કુંડળીમાં બીજા ભાવમાં લાગેલું આ ગ્રહણ હાનિકારક સાબિત થશે. આર્થિક મામલે સાવધાની રાખો નુકસાન થઈ શકે છે. પ્રવાસના યોગ છે પરંતુ સાવધાન રહેવું સારુ.

મકર:
આ રાશિના જાતકોએ જોખમ લેતા બચવું જોઇએ. આ ગ્રહણ મકર રાશિમાં છે જે માનસિક મુશ્કેલી વધારશે. ઈજા થવાના યોગ છે. આરોગ્ય સંબધીત મુશ્કેલી વધશે. આર્થિક સંકળામણ અનુભવશો.

કુંભ:
આ ગ્રહણ રાશિના 12માં સ્થાનમાં લાગેલું આ ચંદ્રગ્રહણ જાતકો માટે સારા સંકેત નથી આપી રહ્યું. તમારે આર્થિક ક્ષેત્રમાં જોખમથી બચવું જોઈએ. માનસિક કષ્ટ વધતા અનિદ્રાની ફરિયાદ થશે.

મીન:
આ ગ્રહણ રાશિના 11માં સ્થાનમાં લાગેલું આ ચંદ્રગ્રહણ તમારા માટે શુભ ફળદાયી રહેશે. આકસ્મિક ધન લાભની શક્યતા છે. નોકરી વ્યવસાયમાં ઉન્નતિના અવસર મળશે. માન-સમ્માન વધશે.