કૌભાંડ / વર્ક પરમિટના નામે કર્યો પોર્ટુગલના વિઝા આપવાનો વાયદો, બાદમાં ચાંદખેડાના આ પરિવારને 22 લાખમાં રોવડાવ્યાં

અમદાવાદના ચાંદખેડાના પરિવાર સાથે વિદેશ મોકલવાના નામે 22 લાખની છેતરપિંડી થઈ હોવાની ઘટના સામે આવી છે. કૌશિક પરમાર નામના પોસ્ટમેને સરતાજસિંહ નામના વ્યક્તિ વિરુદ્ધ ચાંદખેડા પોલીસ સ્ટેશનમાં 22 લાખની છેતરપિંડીની ફરિયાદ નોંધાવી છે.

ચાંદખેડાના પરિવાર સાથે 22 લાખની છેતરપિંડી

જેમાં ફરિયાદીએ જણાવ્યું કે, તેમણે પોતાના પરિવાર માટે પોર્ટુગલના વર્ક પરમિટ માટે એપ્લાય કર્યું હતું. જેથી આરોપીએ 22 લાખ લઇ પરિવારને આર્મેનિયા ટૂરિસ્ટ વીઝા પર મોકલી ત્યાંથી પોર્ટુગલના વીઝા અપાવવાની ખાતરી આપી હતી.

આ પણ વાંચો: કોંગ્રેસનો દાવ ઊંઘો પડ્યો, રાજકોટ-સુરતની ન્યાય યાત્રામાં પીડિતોની પાંખી હાજરી ઉડીને વળગી

આરોપી વિરુદ્ધ ચાંદખેડા પોલીસ સ્ટેશનમાં ગુનો દાખલ

જેમાં આરોપીએ 16 લાખ રોકડ અને 6 લાખ ગૂગલ પેથી ટ્રાન્સફર કરાવ્યા હતા. જે બાદ આરોપીએ 21 દિવસના આર્મેનિયાના ટૂરિસ્ટ વીઝા આપીને છેતરપિંડી આચરી છે. જેથી ચાંદખેડા પોલીસે સરતાજસિંહ નામના વ્યક્તિ વિરુદ્ધ ગુનો નોંધીને આગળની કાર્યવાહી હાથધરી છે.

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ