હરિયાણા / ખટ્ટર સરકાર 2.0માં 10 મંત્રીઓએ લીધા શપથ, 6 કેબિનેટ અને 4 રાજ્યમંત્રી બનાવાયા

• હરિયાણામાં બીજેપી-જેજેપીની ગઠબંધન સરકારનું મંત્રિમંડળ વિસ્તાર
• હરિયાણા રાજભવનમાં શપથ ગ્રહણ કાર્યક્રમનું આયોજન
• મંત્રીના રૂપે સૌથી પહેલા બીજેપી ધારાસભ્ય અનિલ વિજે શપથ લીધા

આ દરમિયાન 6 ધારાસભ્યોએ કેબિનેટ મંત્રી, જ્યારે ચાર રાજ્યમંત્રીના રૂપે શપથ લીધા. જ્યારે નવા મંત્રીઓને આપવામાં આવનારી 10 ગાડીઓ પણ રાજભવન પહોંચી ગઇ છે.

આ ધારાસભ્યોએ કેબિનેટ મંત્રી પદના શપથ લીધા

મંત્રીના રૂપે સૌથી પહેલા બીજેપી ધારાસભ્ય અનિલ વિજે શપથ લીધા. અનિલ વિજ બાદ જગાધરીથી બીજેપી ધારાસભ્ય કંવર પાલ ગુર્જરે શપથ લીધા. કંવર પાલ જગાધરીથી ત્રણ વાર ધારાસભ્ય રહી ચૂક્યા છે. વર્ષ 2014માં તે હરિયાણા વિધાનસભાના સ્પીકર હતા. બલ્લભગઢથી બીજેપી મૂલચંદ્ર શર્માએ કેબિનેટ મંત્રી તરીકે શપથ લીધા. રાનિયાથી અપક્ષ ધારાસભ્ય રણજીત સિંહ ચૌટાલાએ પણ પદ અન ગોપનીયતાના શપથ લીધા. રણજીત સિંહ જેલમાં બંધ ઓમ પ્રકાશ ચૌટાલાના ભાઇ છે. ભિવાનીથી લોહારુથી બીજેપી ધારાસભ્ય જેપી દલાલે પણ કેબિનેટ મંત્રી તરીકે શપથ લીધા. 

4 ધારાસભ્યોએ રાજ્યમંત્રીના પદના શપથ લીધા

જે ધારાસભ્યોએ રાજ્ય મંત્રી પદના શપથ લીધા તેમાંથી સૌથી પહેલુ નામ ઓમપ્રકાશ યાદવનું છે, તે નારનૌલથી બીજેપી ધારાસભ્ય છે. ઓમપ્રકાશ સતત બીજી વાર ધારાસભ્ય બન્યા છે. તેમણે રાવ ઇન્દ્રજીત સિંહના નજીકના માનવામાં આવે છે. અને પહેલીવાર મંત્રી બન્યા છે. કલાયતથી બીજેપીના મહિલા ધારાસભ્ય કમલેશ ઢાંડાએ પણ રાજ્યમંત્રી પદના શપથ લીધા. ઉકલાનાથી જેજેપી ધારાસભ્યે રાજ્યમંત્રી સ્વતંત્ર પ્રભારના રૂપે શપથ લીધા. 

પૂર્વ હોકી ખેલાડી સંદીપ સિંહે રાજ્યમંત્રી પદના રૂપે શપથ લીધા. સંદીપ સિંહ પહોવાથી ભાજપના ધારાસભ્ય છે. સંદીપે પંજાબીમાં રાજ્યમંત્રી પદના શપથ લીધા. તેમને છોડીને બાકી તમામ મંત્રીઓએ હિન્દીમાં શપથ લીધા. નોંધનીય છે કે સંદીપ સિંહે પહેલીવાર ચૂંટણી લડી અને તેમા તે વિજયી રહ્યા. બીજેપીએ આ વખતે ત્રણ ખેલાડીઓને મેદાનમાં ઉતાર્યા હતા. જેમા માત્ર સંદીપ સિંહ જ જીતી શક્યા હતા. 

માનવામાં આવી રહ્યું છે કે મંત્રિમંડળ વિસ્તાર બાદ વિભાગોની વહેંચણી મોટી સાંજે થઇ શકે છે. જેમા સૌથી વધારે ઉત્સુકતા ગૃહ, મહેસૂલ, ટાઉન કંટ્રી, કૃષિ, સિંચાઇ, ટ્રાન્સપોર્ટ, આબકારી અને કરવેરા, ઉદ્યોગ અને નાણા વિભાગને લઇને છે.