નવસારીઃ ચંદનના અતિકિંમતી વૃક્ષોના કિંમત ૨ લાખ જેટલી આંકવામાં આવે છે. ત્યારે નવસારીમાં કેટલાક તસ્કરો દ્વારા ચંદનની ચોરીને અંઝામ આપવામાં આવ્યો છે. નવસારી જિલ્લાના વડસાગર અને વાઘરેચ ગામમાં ચંદન ચોરીની ફરિયાદો થઇ છે. આધુનિક કટરનો ઉપયોગ કરીને વૃક્ષોનું છેદન કરતા આરોપીઓ વિરુદ્ધ ગણદેવી પોલીસે મથકે ફરિયાદ નોંધાય છે. પહેરો ન મળતા કિંમતી વૃક્ષોની ચોરી ન થાય ખુલ્લા વૃક્ષોની દેખરેખ રાખવામાં આવે તેવી માગ ઉઠી છે.
બેકારી અને રોજગારીઓના અભાવને લઈને ગુનાખોરીઓ જન્મ લેતી હોય છે. રૂપિયાઓ માટે ક્યાંક ચોરી લૂંટ કે ખૂન થતું હોય છે. ત્યારે ટુંકાગાળાઓ માર્ગ અપનાવી કિંમતી ચંદનના વૃક્ષો કાપીને વીરપ્પનો સક્રિય થઈને નવસારી જિલ્લામાં પગપેસેરો કર્યો છે.
ચંદનના અતિકિંમતી વૃક્ષોના લાકડાઓ કોસ્મેટિક્સ ચીજવસ્તુઓ સાથે પૂજામાં પણ અર્પણ થઇ રહ્યા છે. એક પરિપક્વ વૃક્ષની કિંમત ૨ લાખ જેટલી આંકવામાં આવે છે. ત્યારે ચોરટાઓ પવિત્ર ગણાતા ચંદનની ચોરી રાત્રી દરમિયાન નિર્ભય થઈને કરી રહ્યા છે. નવસારી જિલ્લાના વડસાગર અને વાઘરેચ ગામમાં ચંદન ચોરીની ફરિયાદો ઉઠી છે. જિલ્લામાં વીરપ્પનનો પ્રવેશ ચંદનની ખેતી કરતા ધરતીપુત્રોને ડરાવી રહ્યો છે. આધુનિક કટરનો ઉપયોગ કરીને વૃક્ષોનું છેદન કરતા આરોપીઓ વિરુદ્ધ ગણદેવી પોલીસે મથકે ફરિયાદ નોંધાય છે.
જળ જંગલ અને જમીન કુદરતે આપેલ અનમોલ બક્ષિસ છે. જેનું નિકંદનએ પર્યાવરણ માટે ખતરારૂપ સાબિત થઇ રહ્યું છે. જંગલ અને વનવિસ્તારની હદમાં આવતા દુર્લભ વૃક્ષોની હિફાજત કરવાની ફોરેસ્ટ વિભાગની જવાબદારીઓ હોય છે. પરંતુ વૃક્ષો કપાયા બાદ અધિકારીઓ સફાળા જાગીને કાર્યવાહીઓ કરી સંતોષ માનીને કામકાજ આગળ ધપાવી રહ્યા છે અને કામગીરીઓ કર્યાનો સંતોષ માની રહ્યા છે.
ઉપર આભ અને નીચે જમીન એમની વચ્ચે ઉભો પાક જેની રખેવાળીઓ રાત્રી દરમ્યાંન કરવી એ ધરતીપુત્રો માટે અઘરી સાબિત થઇ રહી છે. નધણિયાત હાલતમાં રાત્રિમાં એકલા અટુલા કિંમતી વૃક્ષો પહેરો માંગી રહ્યા છે. પરંતુ પહેરો ના મળતા કિંમતી વૃક્ષોનું નિકંદન વીરપ્પનનો દ્વારા થતા ઘરતી પુત્રો માટે ગમગીન સમાચાર સામે આવતા નિરાશાઓ ફરીવળી છે. પરંતુ વન વિભાગ કે વૃક્ષના માલિકો સાથે પોલીસ ચંદન ચોરોને અટકાવવા સફળ થશે ખરી ?