એલર્ટ / ઓડિશામાં આગામી 24 કલાકમાં ચક્રવાતી તૂફાન આવવાની સંભાવના, ભયના માહોલમાં લોકો

• ઓડિશામાં ચક્રવાતી તૂફાનની આશંકા
• આવનારા 24 કલાક સ્થાનિકો માટે જોખમી
• ભયના માહોલમાં રહે છે સ્થાનિકો

હવામાન વિભાગ તરફથી મળતી માહિતિ અનુસાર ચક્રવાતી તૂફાનને લઈને લોકોમાં ભયનો માહોલ જોવા મળી રહ્યો છે. આ ચક્રવાત તૂફાનમાં ફેરવાશે તો ઓડિશા અને પશ્ચિમ બંગાળના તટની તરફ જશે. તૂફાન કઈ જગ્યા પર અથડાશે તેને માટે કંઈ કહી શકાય તેમ નથી. પરંતુ તેની અસર 8 તારીખે ઓડિશાના તટીય વિસ્તારોમાં જોવા મળી શકે છે.

માછીમારોને ખાસ સૂચના

ચક્રવાતને લઈને ઓડિશા અને પશ્ચિમ બંગાળના માછીમારોને દરિયો ન ખેડવાની ખાસ સૂચના આપવામાં આવી છે. આ તૂફાન હાલમાં ફણિની જેમ ખતરનાક નથી. ઉલ્લેખનીય છે કે 3 મેના રોજ આવેલા ફણિ તૂફાનના કારણે અહીં લગભગ 64 લોકોના મોત થયા હતા. પરંતુ આ તૂફાન જોનારા લોકો હવે ચક્રવાતને લઈને ભય અનુભવી રહ્યા છે.