ચેમ્પિયન્સ ટ્રોફી / VIDEO : બુમરાહ બાદ ભારતને બીજો ફટકો! દુબઈ પ્રેક્ટિસમાં આ સ્ટારને ગંભીર ઈજા, ચેમ્પિયન્સ ટ્રોફી પર પ્રશ્નાર્થ

ચેમ્પિયન્સ ટ્રોફી આડે હવે ગણતરીના દિવસો બાકી છે. ભારતને હવે બીજો ફટકો પડ્યો છે. ચેમ્પિયન્સ ટ્રોફીમાંથી બુમરાહ બહાર થઈ ગયો અને હવે બીજા ખેલાડી પર પણ ખતરો સર્જાયો છે. વિકેટ કિપર કમ બેટર ઋષભ પંતને દુબઈમાં ટ્રેઈનિંગ કરતાં ઘૂંટણમાં ઈજા પહોંચી હતી. હાર્દિક પંડ્યાને શોટ મારતાં બોલ પંતને ડાબા ઘૂંટણે વાગ્યો હતો આમ છતાં પણ પંતે પ્રેક્ટિસ ચાલું રાખી હતી, ઉલ્લેખનીય છે કે ડિસેમ્બર 2022માં પણ કાર એક્સિડન્ટ વખતે પંતને આ જ ડાબા ઘૂંટણ પર ગંભીર ઈજા થઈ હતી.

બુમરાહ ચેમ્પિયન્સ ટ્રોફીમાંથી બહાર

ઉલ્લેખનીય છે કે ઈજાને કારણ બુમરાહ ચેમ્પિયન્સ ટ્રોફીમાંથ બહાર થયો છે ત્યારે હવે બીજા સ્ટારનો પણ ચેમ્પિયન્સ ટ્રોફીમાઁથી બહાર થવાનો ખતરો સર્જાયો છે.

ચેમ્પિયન્સ ટ્રોફી જીતનારને કેટલું ઈનામ

ચેમ્પિયન્સ ટ્રોફી જીતનાર માટે ઈનામનું પણ એલાન થયું છે. હવે ICC એ ચેમ્પિયન્સ ટ્રોફી માટે ઈનામી રકમની જાહેરાત કરી છે. ચેમ્પિયન્સ ટ્રોફી 2025 ની વિજેતા ટીમને $2.24 મિલિયન (લગભગ રૂ. 19.46 કરોડ) મળશે. રનર-અપ ટીમને $1.12 મિલિયન (લગભગ રૂ. 9.73 કરોડ) મળશે. સેમિફાઇનલમાં હારનારી બંને ટીમોને $560,000 (આશરે રૂ. 4.86 કરોડ) ની સમાન રકમ મળશે.