સ્પોર્ટ્સ / 'પાકિસ્તાન.....', વસીમ અકરમનું ચેમ્પિયન્સ ટ્રોફીની યજમાનીને લઈને મોટું એલાન

Wasim Akram: ક્રિકેટ ફેન્સ ચેમ્પિયન ટ્રોફીના શેડ્યુંલની રાહ જોઈ રહ્યા છે. ક્રિકેટ રસીકોને ભારત પાકિસ્તાન વચ્ચે મેચ રમાઈ તેનો પણ ઈંતજાર છે, જો કે ચેમ્પિયન ટ્રોફી 2025ને લઈને હજુ સુધી નિર્ણય આવ્યો નથી. ત્યારે હવે આ ટુર્નામેન્ટને લઈને પાકિસ્તાનના પૂર્વ દિગ્ગજ ક્રિકેટરનું નિવેદન સામે આવ્યું છે. તેમના નિવેદનને લઈને ક્રિકેટ વર્તુળોમાં હવે ચર્ચા શરૂ થઈ ગઈ છે.

અકરમે પહેલીવાર ચેમ્પિયન્સ ટ્રોફી વિશે વાત કરી

પાકિસ્તાનના દિગ્ગજ ક્રિકેટર વસીમ અકરમે પહેલીવાર ICC ચેમ્પિયન્સ ટ્રોફી 2025 વિશે વાત કરી છે. વસીમ અકરમ ચેમ્પિયન્સ ટ્રોફી હાથમાં લઈને તે કોક સ્ટુડિયોમાં ઈવેન્ટમાં પહોંચ્યો હતો. જ્યાં તેમણે કહ્યું કે, 'હું બધાનો આભાર માનવા માંગુ છું. 'તમે લોકો બેઠા છો એ હું બે કલાકથી જોઈ રહ્યો હતો. તમારુ આ પેશન ટિપિકલ પાકિસ્તાની પેશન છે. આ ચેમ્પિયન્સ ટ્રોફી છે, જે પાકિસ્તાનમાં યોજાઈ રહી છે. પાકિસ્તાન યજમાન બનવા માટે તૈયાર છે.'

ભારતની તમામ લીગ મેચ દુબઈમાં રમી શકાય

નોંધનીય છે કે, ભારતે પાકિસ્તાન જવાનો સ્પષ્ટ ઈન્કાર કરી દીધો છે. આવી સ્થિતિમાં, એવું કહેવામાં આવી રહ્યું છે કે ચેમ્પિયન્સ ટ્રોફીનું આયોજન હાઇબ્રિડ મોડલ પર કરવામાં આવશે. જેમાં 10 મેચ પાકિસ્તાનમાં અને 5 મેચ દુબઈમાં યોજવામાં આવી શકે છે. ભારતની તમામ લીગ મેચ દુબઈમાં રમી શકાય છે અને એક સેમી ફાઈનલ અને ફાઈનલ મેચ પણ દુબઈમાં રમી શકાય છે.

વધુ વાંચો : પાકિસ્તાનના દિગ્ગજ પ્લેયરે એવું શું નિવેદન આપ્યું કે ચેમ્પિયન્સ ટ્રોફીમાં સર્જાયો વિવાદ, જાણો વિગત

ચેમ્પિયન્સ ટ્રોફીનું ભવિષ્ય હજુ પણ અંધકારમાં

જો કે, ચેમ્પિયન્સ ટ્રોફીનું ભવિષ્ય હજુ પણ અંધકારમાં છે, કારણ કે ICC એ હજુ સુધી એ વાતની પુષ્ટિ કરી નથી કે ચેમ્પિયન્સ ટ્રોફી 2025 હાઇબ્રિડ મોડલ પર રમાશે કે નહીં. તે ફેબ્રુઆરી-માર્ચમાં આયોજિત થનાર છે, જેનું સત્તાવાર રીતે પાકિસ્તાન ક્રિકેટ બોર્ડ દ્વારા આયોજન કરવામાં આવ્યું છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ