આઇસીસી ચેમ્પિયન્સ ટ્રોફીમાં આજે વર્લ્ડ ચેમ્પિયન ઓસ્ટ્રેલિયા અને 2015ના વર્લ્ડ કપની ફાઇનલમાં હારેલી ન્યૂઝિલેન્ડની ટીમ વચ્ચે ગ્રૃપ-એનો વન ડે મુકાબલો ખેલાશે. ઓસ્ટ્રેલિયા સ્ટીવ સ્મિથની કેપ્ટન્સી હેઠળ વન ડેનો વર્લ્ડ કપ જીત્યા બાદ હવે મિની વર્લ્ડ કપ જીતવા તરફ મીટ માંડી રહ્યું છે. જ્યારે ન્યૂઝિલેન્ડને વર્લ્ડ કપની ફાઇનલની હારનો બદલો લેવાની આશા છે.
વિલિયમસનની આગેવાની હેઠળની ન્યૂઝિલેન્ડની ટીમ ચેમ્પિયન્સ ટ્રોફીમાં વિજયી પ્રારંભ કરવાના ઈરાદા સાથે મેદાન પર ઉતરશે. આજે બર્મિંગહામના એજબેસ્ટોન ખાતે ઓસ્ટ્રેલિયા અને ન્યૂઝિલેન્ડ વચ્ચેનો વન ડે મુકાબલો બપોરે 3.00 વાગ્યાથી શરૂ થશે. ઓસ્ટ્રેલિયાની ટીમ ન્યૂઝિલેન્ડને હરાવવા માટે ફેવરિટ મનાય છે.
આજે એજબેસ્ટોનમાં ઓસ્ટ્રેલિયા અને ન્યૂઝિલેન્ડ વચ્ચે વન ડે મુકાબલો વર્લ્ડ કપની ફાઇનલની હારનો બદલો લેવાની તક ઓસ્ટ્રેલિયાની ટીમ ન્યૂઝિલેન્ડને હરાવવા માટે ફેવરિટ
ચેમ્પિયન્સ ટ્રોફીમાં ઈંગ્લેન્ડે બાંગ્લાદેશને આઠ વિકેટથી હરાવ્યું. હેલ્સના 95 રનની મદદથી ઈંગ્લેન્ડે બાંગ્લાદેશને આઠ વિકેટથી સજ્જડ પરાજય આપીને ચેમ્પિયન્સ ટ્રોફીમાં વિજયી પ્રારંભ કર્યો હતો. બાંગ્લાદેશે ઓપનર તમીમની 128 રનની ઈનિંગને સહારે છ વિકેટે 305 રન ખડકયા હતા. ઈંગ્લેન્ડ તરફથી લીમા પ્લન્કેટ્ટે ચાર વિકેટ ઝડપી હતી.
તો તેના જવાબમાં હેલ્સ અને રૃટ વચ્ચેની 159 રનની બીજી વિકેટની ભાગીદારી ટીમને જીતની નજીક લઈ ગઈ હતી. આખરે યજમાન ઈંગ્લેન્ડે 47.2 ઓવરમાં બે વિકેટે 308 રન કરતાં વિજય મેળવ્યો હતો.