હોનારત / 'જળ પ્રલય' : અચાનક આવેલ પૂરમાં 150 લોકો તણાયાની આશંકા, યુદ્ધના ધોરણે બચાવ કામગીરી શરૂ

• ઉત્તરાખંડમાં જળપ્રલય
• 150થી વધુ લોકો તણાયા હોવાની આશંકા 
• PM મોદી સ્થિત મુદ્દે કરી રહ્યા છે સમીક્ષા 

ઉલ્લેખનીય કે, જોશીમઠની આજુબાજુનો વિસ્તાર સૌથી વધુ અસરગ્રસ્ત છે. ઉત્તરાખંડ સરકારના મુખ્ય સચિવે આ દરમિયાન કહ્યું છે કે ગ્લેશિયર ધસી પડવાની દુર્ઘટનામાં 100 થી 150 લોકો તણાઈ ગયા હોવાની આશંકા છે. અગાઉ, સ્થાનિક વહીવટીતંત્રે જણાવ્યું હતું કે આ ઘટનામાં 10,000 થી વધુ લોકોની અસર થાય છે.

PM મોદી સ્થિત મુદ્દે કરી રહ્યા છે સમીક્ષા 

પ્રધાનમંત્રી નરેન્દ્ર મોદી અને કેન્દ્રીય ગૃહમંત્રી ઉત્તરાખંડના મુખ્યમંત્રી ત્રિવેન્દ્ર સિંહ રાવત સાથે વર્તમાન સ્થિતિ મુદ્દે જાણકારી મેળવી રહ્યા છે. તેમણે મુખ્યમંત્રીને રાહત અને બચાવ કાર્ય વિશે સંભવિત જાણકારી હાંસલ કરી હતી. તથા એરલિફ્ટ દ્વારા NDRFની ટીમ પણ રવાના કરવાના આદેશ આપ્યા છે. 

અમિત શાહનું નિવેદન

ઉત્તરાખંડના ચમોલીમાં થયેલી તબાહી પર ગૃહમંત્રી અમિત શાહે નિવેદન આપ્યું. તેઓએ કહ્યું કે દેવભૂમિની સંપૂર્ણ મદદ કેન્દ્ર કરશે. હું ઉત્તરાખંડના મુખ્યમંત્રીના સતત સંપર્કમાં છું. એરફોર્સ પણ હાઇઅલર્ટ પર છે. અને NDRFની ટીમ પણ ઘટના સ્થળે પહોંચી રહી છે.

રાહત કાર્ય પૂરજોશમાં 

પ્રાથમિક માહિતી અનુસાર, આ હોનારતથી 10,000 લોકો પ્રભાવિત થયાં હોવાની પણ માહિતી મળી રહી છે. તેમાં એવા લોકો પણ છે જે નદીના કાંઠે રહેતા હતા. વળી, એવા મજૂરો પણ છે જે ડેમમાં કામ કરતા હતા. આઇટીબીપી ઉત્તરાખંડ પોલીસ નેશનલ ડિઝાસ્ટર રિલીફ ફોર્સ અને સ્ટેટ ડિઝાસ્ટર રિલીફ ફોર્સની ટીમ સ્થળ પર રવાના થઈ છે.

રાહુલ ગાંધીએ કોંગ્રેસી કાર્યકરોને બચાવ કામગીરીમાં જોડાવાની કરી અપીલ 

ચમોલીમાં ડેમ તૂટવાનો મામલે કોંગ્રેસના પીઢ નેતા રાહુલ ગાંધીએ ટ્વીટ કરીને  દુ:ખ વ્યકત કર્યુ હતું. આ સાથે જ તેમણે કોંગ્રેસના કાર્યકરોને રાહત કાર્યમાં જોડાવાની અપીલ પણ કરી હતી તથા રાજ્ય સરકાર તમામ અસરગ્રસ્તોને સહાય કરે તેવી વિનંતી પણ કરી હતી. સમગ્ર ઘટના મામલે કોંગ્રેસના પૂર્વ અધ્યક્ષ રાહુલ ગાંધીએ ઉત્તરાખંડની જનતા પ્રત્યે સંવેદના વ્યક્ત કરેલ.

સીએમ સ્થળ પર જવા રવાના થયા

एहतियातन भागीरथी नदी का फ्लो रोक दिया गया है। अलकनन्दा का पानी का बहाव रोका जा सके इसलिए श्रीनगर डैम तथा ऋषिकेष डैम को खाली करवा दिया है। SDRF अलर्ट पर है। मेरी आपसे विनती है अफवाहें न फैलाएं। मैं स्वयं घटनास्थल के लिए रवाना हो रहा हूं: त्रिवेंद्र सिंह रावत, उत्तराखंड मुख्यमंत्री https://t.co/CWCp2scPkg

— ANI_HindiNews (@AHindinews) February 7, 2021

આપને જણાવી દઇએ કે, મુખ્યમંત્રી ત્રિવેન્દ્રસિંહ રાવતે કહ્યું છે કે ભારે વરસાદ અને અચાનક પાણીના કારણે ચમોલીના રીની ગામમાં ઋષિગંગા પ્રોજેક્ટને નુકસાન થવાની સંભાવના છે. નદીમાં અચાનક પાણીનો પ્રવાહ થતાં અલકનંદાના નીચલા વિસ્તારોમાં પૂરની સંભાવના છે. દરિયાકાંઠાના વિસ્તારોમાં લોકોને એલર્ટ કરવામાં આવ્યા છે. નદીના કાંઠે સ્થાયી થયેલા લોકોને દૂર કરવામાં આવી રહ્યા છે. તેમજ સાવચેતીના પગલા તરીકે ભગીરથી નદીનો પ્રવાહ બંધ કરી દેવાયો છે. અલકનંદાના પાણીના પ્રવાહને રોકવા માટે શ્રીનગર ડેમ અને ઋષિકેશ ડેમને ખાલી કરાવ્યો છે. એસડીઆરએફ એલર્ટ પર છે. હું તમને વિનંતી કરું છું કે અફવાઓ ન ફેલાવો. હું આ જાતે જ ઘટનાનો તકાજો લેવા જાઉં છું.