ચમકી તાવ / બિહારમાં બાળકોના મોતને લઈને ભાજપ સાંસદે કહ્યું આ માટે '4G' જવાબદાર

મુઝફ્ફરપુરથી સાંસદ અજય નિષાદે કહ્યું કે, 'આ મામલો મુખ્યમંત્રીના ધ્યાને છે. દરેક માણસની પોતાની વ્યસ્તતા છે. આજે મુખ્યમંત્રી નીતિશ કુમાર મુઝફ્ફરપુર ગયા, એ માટે તેમનો આભાર. આવનાર સમયમાં આ બીમારી પર કેવી રીતે કાબૂ મેળવી શકાય એ માટે આ મામલે કડક પગલા ઉઠાવવાની જરૂર છે. બાળકો જે બીમારીની હાલતમાં આવે છે, 
એમની અને મરનાર બાળકોની સંખ્યા કેવી રીતે ઓછી થાય.''

બીજેપી સાંસદ નિષાદે કહ્યું કે, 'હજુ સુધી આ બીમારી અજ્ઞાત છે. તમામ લોકો પોતાની રીતે કહી રહ્યું છે. મારુ માનવું છે કે આપણે '4G' પર વધારે કામ કરવાની જરૂર છે. પહેલા જીથી ગામ, બીજા જીથી ગરમી, અને ત્રીજા જીથી ગરમી અને ચોથા જીથી ગંદકી. ક્યાંકને ક્યાક આ બીમારી તેના સાતે સંબંધ ધરાવે છે. જે પણ દર્દી ઇલાજ માટે આવે છે, તે ગરીબ હોય છે. 

આપને જણાવીએ કે, બિહારમાં 'મગજનો તાવ' (AES) ને કારણે અત્યાર સુધીમાં 108થી વધુ બાળકો મોત થઇ ચુક્યા છે. સ્વાસ્થ્ય વિભાગ નિષ્ફળ પુરવાર થયું છે. પરંતુ નેતાઓ પણ આ મામલે બફાટ કરતા જોવા મળ્યા છે. 'મગજના તાવ'થી વધી રહેલા બાળકોના મોત બાદ આજે બિહારના મુખ્યમંત્રી નીતિશ કુમારે સ્થિતિ જાણવા મુઝફ્ફરપુરની મુલાકાત લીધી હતી.