સુશાંત સિંહ રાજપૂત કેસ / બિહાર પોલીસનું સુપ્રીમ કોર્ટમાં સોગંદનામુ, કહ્યું રિયા સુશાંતને દવાઓનો ઓવરડોઝ આપતી હતી

• બિહાર સરકારે સુપ્રીમ કોર્ટમાં સોગંદનામુ દાખલ કર્યુ છે
•  રિયા સુશાંતના જીવનમાં તેમના પૈસા પડાવવાના હેતુથી આવ્યા હતા
•  પરિવારે સુશાંતની માનસિક બિમારીની ખોટી તસવીરો તૈયાર કરી 

રિયા પર આરોપ લગાવતા બિહાર સરકારે સુપ્રીમ કોર્ટમાં સોગંદનામુ દાખલ કર્યુ છે. બિહાર પોલીસે રિયા અને તેના પરિવારના સભ્યો સુશાંતના જીવનમાં તેમના પૈસા પડાવવાના હેતુથી આવ્યા હતા. બિહાર પોલીસે કહ્યું કે રિયાએ અને તેમના પરિવારે સુશાંતની માનસિક બિમારીની ખોટી તસવીરો તૈયાર કરી હતી. 
સોગંદનામામાં જણાવવામાં આવ્યું છે કે રિયા સુશાંતને પોતાના ઘરે લઈ ગઈ હતી. અને ત્યા તેણે સુશાંતને દવાના ઓવર ડોઝ આપ્યા હતા. સુશાંતના પિતાએ આ આરોપ રિયા પર લગાવ્યા છે. આ સાથએ રિયા સુશાંત સાથે ઝઘડો કરીને પોતાનો બધો સામાન લઈ ગઈ હતી.

ઉલ્લેખનીય છે કે બિહાર પોલીસે જણાવ્યું કે મુંબઈ પોલીસ પાસેથી કોઈ પણ મદદ ન મળવા છતાં આ કેસમાં અનેક બાબતો મળી છે. જેના પર તપાસ થઈ શકે છે. બિહાર પોલીસે સુપ્રીમ કોર્ટને અપીલ પણ કરી હતી કે આ કેસ સાથે જોડાયેલી બાબતે અલગ અલગ જગ્યાએ ફેલાયેલી છે તો કેસ સીબીઆઈને સોંપવો જોઈએ.