સૌરાષ્ટ્રની ઓળખ બની ગયેલો છકડો-રિક્ષા બંધ થશે. મળતી માહિતી મુજબ 1990થી સૌરાષ્ટ્રમાં છકડો વાહન વ્યવહાર માટે ઉત્તમ સાધન બન્યુ હતું. છકડાના કારણે ગ્રામ્ય વિસ્તારોમા વાહન-વ્યવહાર સરળ બન્યો હતો.
જો કે વર્તમાન પર્યાવરણના નિમયમાં છકડો રિક્ષા બંધ બેસતી ન હોય. સૌરાષ્ટ્રના ગ્રામિણ વિસ્તારમાં પરિવહનનો પર્યાય છકડો બંધ થશે. મહત્વનું છે કે, રાજકોટના અતુલ ઓટોએ 1970માં છકડાની ડિઝાઈન તૈયાર કરી હતી. ત્યારે હવે 50 વર્ષ બાદ અતુલ ઓટો છકડાનું ઉત્પાદન બંધ કરશે.
અગાઉ રાજકોટ શહેરમાં છકડો રિક્ષાના પ્રવેશ પર પોલીસ દ્વારા પ્રતિબંધ લગાવવામાં આવ્યો હતો. શહેરમાં પ્રતિંબધ લાગ્યા બાદ શહેરમાં છકડો રિક્ષા પ્રવેશ નહીં કરી શકે. મળતી માહિતી મુજબ છકડો રિક્ષાના પ્રતિબંધ પર પોલીસ દ્વારા તખ્યો તૈયાર કરવામાં આવ્યો હતો. રાજકોટ શહેર બાદ હવે સમગ્ર રાજ્યમાં છકડા પર પ્રતિબંધ લગાવવામાં આવશે.
ઉલ્લેખનીય છે કે, છકડો રિક્ષાથી પ્રદૂષણ ખુબ જ વધુ થતુ હોય છે. પ્રદુષણ રોકવા માટે તંત્ર દ્વારા કામગીરી કરવામાં આવી રહી છે.
અમિતાભ બચ્ચન અને વિક્રમ ઠાકોરે ચલાવ્યો હતો છકડો
આપણા દેશમાં નેતાઓ જે કામ કરે તે તમામ કામ હવે અભિનેતાઓ પણ કરે છે. અને અભિનેતાઓ જેટલા કામ કરે તેટલા અને તેવા જ કામ નેતાઓ પણ કરે છે. અભિનેતાઓને આમ તો સારી અને મોઁઘી ગાડીઓ હોય છે જેમાં સવારી આરામદાયક હોય છે. પણ, જરૂરીયાતના સમયે અભિનેતાઓ જેવી એક્ટિંગ તો કોણ કરી શકે? એવી જ આ બે તસવીરો છે. અમિતાભ બચ્ચન ગુજરાતને પ્રમોટ કરવા અહીં આવ્યા તો છકડામાં સવારી કરી અને દેશ-વિદેશમાં એ સવારીને લોકોએ વખાણી. બચ્ચન સાહેબના બંગલોમાં ખૂબ મોંઘી ગાડીઓ હોય છે પણ છકડાની વાત કાંઈક અનેરી છે. બીજી તસવીરમાં વિક્રમ ઠાકોરની છે, ગુજરાતી અભિનેતા તરીકે વિક્રમ ઠાકોરે તો છકડો ચલાવવો જ પડે તેમાં કોઈ નવાઈની વાત નથી. તેમનો દર્શક ફિલ્મ જોવા છકડામાં આવતો હોય તો એમની વાત કર્યા વિના વિક્રમ ઠાકોર કેવી રીતે રહી શકે.
નેતાઓએ મત માટે કરી છકડાની સવારી
સામાન્ય લોકોની જરૂરીયાતને કારણે છકડો જનતાની ઓળખ બની ચૂક્યો છે. ગુજરાતમાં નેતાઓ લોકોને પોતાની સાથે જોડવા માટે છકડાની સવારી કરતા રહે છે. પોતે પણ સામાન્ય માણસ છે અને કોમન પીપલની જેમ જ જીવન નિર્વાહ કરે છે એવું દર્શાવવા માટે નેતાઓ છકડાની સવારી જાહેરમાં કરે છે અને વીડિયો, ફોટો ઉતારે છે. આ તસવીરમાં બે નેતાઓ દેખાય છે. જે છકડાની સવારી માણી રહ્યાં છે. આમ તો તેમને જરૂર નથી કે ગામતરું કરવા માટે છકડાનો જ ઉપયોગ કરવો પડે પરંતુ લોકોને તેમની સાથે જોડવા માટે નેતાઓ છકડો ચલાવે છે અને છકડામાં બેસીને સવારી પણ કરે છે.